ഷോര്ട്സ് ധരിച്ചതിന്റെ പേരില് ഒരുപാട് സൈബര് ആക്രമണങ്ങള് നേരിട്ടിട്ടുള്ള താരമാണ് അനശ്വര രാജന്. ഗ്ലാമറസ് ആയി വസ്ത്രം ധരിക്കുന്നതിന്റെ പേരില് നിരന്തരം താരം ആക്രമണങ്ങള് നേരിടാറുണ്ട്. ഒരിക്കല് ഷോര്ട്സ് ഇടുന്നതിനെ കുറിച്ച് അനശ്വര പറഞ്ഞ കാര്യങ്ങള് വീണ്ടും ശ്രദ്ധ നേടുകയാണ്.
പണ്ട് ഹിന്ദി സിനിമകളൊക്കെ കാണുമ്പോള് ദീപിക പദുകോണിന്റെ ഷോര്ട്ട് ഡ്രസൊക്കെ കണ്ട് ഇത്രയ്ക്ക് ചെറുതാക്കണമോ എന്ന് താന് പറഞ്ഞിട്ടുണ്ട് എന്നാണ് അനശ്വര പറയുന്നത്. ”അത് എന്റെ ചെറുപ്പത്തിലാണ്. ആ ഞാന് ഇത്രയും മാറിയപ്പോള് അതിനൊപ്പം ആളുകളും മാറിയിട്ടുണ്ട്.”
”ഡ്രസിനെ കുറിച്ച് ആളുകള് കമന്റ് പറയുമ്പോള് ഞാന് അതിനെ കാര്യമായി എടുക്കാറില്ല. പുറത്തു നിന്നു നോക്കുന്നവര്ക്കു ബോള്ഡ് ആയി തോന്നുമെങ്കിലും ഓരോ വിവാദത്തിലും ഞാനും കുടുംബവും ഏറ്റവും മോശമായ അനുഭവങ്ങളിലൂടെ കടന്നുപോകുന്നുണ്ട്.”
‘യെസ് വീ ഹാവ് ലെഗ്സ്’ വിവാദത്തിലും ഐസോഗ്രാഫി ഫോട്ടോഷൂട്ടിന് ശേഷവും പലരും അച്ഛനോടും അമ്മയോടും ചോദിച്ചു, ‘ചാന്സ് കിട്ടാന് വേണ്ടിയാണോ അനശ്വര ഇതു ചെയ്തത്’ എന്ന്. ചേച്ചിയോട് ചോദിക്കുന്നത്, ‘അനിയത്തിക്ക് വേണ്ടത് പറഞ്ഞ് കൊടുത്തു കൂടേ.. എന്നാണ്.”
”ഇന്ന് ഷോര്ട്സ് ഇടുന്നത് എനിക്കൊരു ബിഗ് ഡീല് അല്ല. ‘എന്തു പറഞ്ഞാലും കുഴപ്പമില്ല’ എന്ന തലത്തിലേക്ക് വളര്ന്നു. തുടക്കത്തില് അങ്ങനെയായിരുന്നില്ല. ഗ്രാമപ്രദേശത്തെ സാധാരണ കുടുംബത്തില് നിന്നുള്ള പെണ്കുട്ടിയാണ് ഞാന്. ഷോര്ട്സ് ഇട്ടു നടക്കാനുള്ള ധൈര്യമൊന്നും ഉണ്ടായിരുന്നില്ല.”
”വിവാദത്തിനു ശേഷമാണ് ധൈര്യം വന്നത്. മുന്നോട്ട് പോകുമ്പോള് അഭിനേതാവ് എന്ന നിലയില് എന്നെത്തന്നെ തൃപ്തിപ്പെടുത്തേണ്ടതുണ്ട്. വ്യത്യസ്തമായ കഥാപാത്രങ്ങള് വഴങ്ങും എന്നു ബോധ്യപ്പെടുത്തേണ്ടതുണ്ട്. ലുക്കിലും കഥാപാത്രങ്ങളിലും പരീക്ഷിക്കണം എന്ന് എനിക്കു തോന്നുന്ന കാര്യങ്ങളുണ്ട്” എന്നാണ് അനശ്വര പറയുന്നത്.