ബോളിവുഡിലെ സൂപ്പര്‍ താരം ആമിര്‍ ഖാന്‍ 57-ാം പിറന്നാള്‍ ആഘോഷിക്കുകയാണ്. ഒരിക്കല്‍ മദ്യപാനത്തിന് അടിമയായിരുന്നു ആമിര്‍. ഇപ്പോള്‍ മദ്യാപനം നിര്‍ത്തിയെങ്കിലും ഇന്നും ആ കാലം മറന്നിട്ടില്ല എന്നാണ് ആമിര്‍ പറയുന്നത്. തന്റെ മദ്യപാന ശീലത്തെ കുറിച്ച് ആമിര്‍ തുറന്നു പറഞ്ഞിട്ടുണ്ട്.
താന്‍ ഇടയ്ക്ക് മദ്യപിക്കുമായിരുന്നു. ഇപ്പോളില്ല. ചിലര്‍ രണ്ട് പെഗ്ഗ് കഴിക്കുന്നതോടെ മതിയാക്കും. പക്ഷെ സ്ഥിരമായി മദ്യപിക്കുന്ന ആളായിരുന്നില്ല താന്‍. വല്ലപ്പോഴൊക്കെയേ താന്‍ മദ്യപിച്ചിരുന്നുള്ളൂ. എന്നാല്‍ മദ്യപിക്കാനായി ഇരുന്നാല്‍ രണ്ട് പെഗ്ഗിലൊന്നും നിര്‍ത്തില്ല.
ഒറ്റ ഇരുപ്പിന് ഒരു ബോട്ടില്‍ തീര്‍ക്കുമായിരുന്നു. അത് ശരിയല്ലെന്ന് തനിക്ക് തോന്നി തുടങ്ങിയിരുന്നു. മദ്യപിച്ച് കഴിച്ചാല്‍ ആ ലഹരിയില്‍ പിന്നീട് കുറ്റബോധം തോന്നുന്ന തരത്തിലുള്ള കാര്യങ്ങള്‍ പറയുകയോ ചെയ്യുകയോ ചെയ്യും.
വലുതായി ഒന്നും സംഭവിച്ചില്ലെങ്കിലും സ്വന്തം നിയന്ത്രണത്തിലല്ലാതെ വരുന്ന അവസ്ഥ തനിക്ക് അംഗീകരിക്കാന്‍ സാധിക്കുമായിരുന്നില്ല എന്നായിരുന്നു ആമിര്‍ ഖാന്‍ ന്യൂസ് 18നോട് പറഞ്ഞത്. ആദ്യ ഭാര്യയുമായുള്ള വിവാഹ മോചനത്തിന് ശേഷം മദ്യപാനിയായി മാറിയ തന്നെ സഹായിച്ചത് സല്‍മാന്‍ ഖാന്‍ ആയിരുന്നുവെന്ന് ആമിര്‍ ഖാന്‍ നേരത്തെ വെളിപ്പെടുത്തിയിരുന്നു.
അതേസമയം, ലാല്‍ സിംഗ് ഛദ്ദ ആണ് ആമിറിന്റെതായി റിലീസിന് ഒരുങ്ങുന്നത്. 2018ല്‍ പുറത്തിറങ്ങിയ തഗ്‌സ് ഓഫ് ഹിന്ദുസ്ഥാന്‍ ചിത്രത്തിന് ശേഷം ആമിറിന്റെതായി ഒരുങ്ങുന്ന ചിത്രമാണ് ലാല്‍ സിംഗ് ഛദ്ദ. ഓഗസ്റ്റ് 11ന് ആണ് ചിത്രം തിയേറ്ററഖുകളില്‍ എത്തുന്നത്.