ബിഗ് ബോസില് നിന്നും കണ്ണീരോടെ വിട പറഞ്ഞ് പവന് ജിനോ തോമസ്. വൈല്ഡ് കാര്ഡ് എന്ട്രിയിലൂടെ ബിഗ് ബോസിലെത്തിയ പവന് കണ്ണിന് അസുഖം വന്നതിനെ തുടര്ന്ന് ബിഗ് ബോസ് ഹൗസില് നിന്നും മാറ്റി താമസിപ്പിച്ചിരുന്നു. തിരികെയെത്തി ടാക്സുകളില് സജീവമാകുന്നതിനിടെയാണ് ബിഗ് ബോസില് നിന്നും പുറത്തേക്ക് പോകുന്നത്.
കഴിഞ്ഞ ദിവസത്തെ എപ്പിസോഡിലായിരുന്നു താരത്തിന്റെ വിടവാങ്ങല്. ഉറങ്ങാന് കഴിയാതെ അസ്വസ്ഥനായി കിടക്കുന്ന പവനെയാണ് ആദ്യം കണ്ടത്. തനിക്ക് വയ്യെന്നും എന്തെങ്കിലും ചെയ്യാന് പറ്റുമോ ബിഗ് ബോസെന്നും പവന് ചോദിക്കുന്നുണ്ടായിരുന്നു. മരുന്ന് എത്തിച്ചുവെങ്കിലും അത് കഴിക്കാന് അദ്ദേഹം തയ്യാറായിരുന്നില്ല. ഫിസിയോ തെറാപ്പിസ്റ്റ് എത്തിയതിന് ശേഷവും പവന്റെ വേദനയ്ക്ക് കുറവുണ്ടായിരുന്നില്ല. ഇതിന് ശേഷമാണ് ആശുപത്രിയിലേക്ക് പോയത്. തിരികയെത്തിയ പവന് താന് പോവുകയാണെന്ന് അറിയിക്കുകയായിരുന്നു.
നടുവേദയെത്തുടര്ന്ന് ഉറങ്ങാനാവാത്ത പവന് ബിഗ് ബോസിനോട് ക്യാമറയ്ക്ക് മുന്നില്വന്ന് സഹായം അഭ്യര്ഥിക്കുകയായിരുന്നു. മിനിറ്റുകള്ക്കുള്ളില് കണ്ഫെഷന് മുറിയില് പവനെ പരിശോധിക്കാന് ഡോക്ടര്മാര് എത്തി. തനിക്ക് ഡിസ്കിന് പ്രശ്നമുള്ളതാണെന്നും കഴിഞ്ഞ ദിവസത്തെ ടാസ്കിന് ഇടയില് പറ്റിയ അബദ്ധംകൊണ്ട് സംഭവിച്ചതാണിതെന്നും പവന് ഡോക്ടര്മാരോട് പറയുന്നുണ്ടായിരുന്നു.
പോവുന്നതിന് മുന്പായി മറ്റുള്ളവരോട് എന്താണ് പറയാനുള്ളതെന്ന് ബിഗ് ബോസ് ചോദിച്ചിരുന്നു. കണ്ണീരോടെയായിരുന്നു പവന് മറ്റുള്ളവരോട് സംസാരിച്ചത്. വഴക്കുകളൊക്കെ ഗെയിമിന്റെ ഭാഗമായി വന്നതാണെന്നും ആരെയെങ്കിലും വേദനിപ്പിച്ചിട്ടുണ്ടെങ്കില് ക്ഷമിക്കണമെന്നും താരം പറഞ്ഞു. സ്വന്തം ഇഷ്ടപ്രകാരമായാണ് പവന് പുറത്തേക്ക് പോവുന്നതെന്ന് ബിഗ് ബോസ് വ്യക്തമാക്കിയിരുന്നു. എന്നാല് ഇതില് ദുരൂഹതയുണ്ടെന്ന് മത്സരാര്ത്ഥികള് പറയുന്നു.