മിനിസ്ക്രീന് പ്രേക്ഷകരുടെ പ്രിയ താരമാണ് ജിഷിന് മോഹന്. ഇന്നലെ ലോക പുരുഷ ദിനത്തില് താരം പങ്കുവെച്ച പോസ്റ്റാണ് സോഷ്യല് മീഡിയയില് വൈറലായിരിക്കുന്നത്. താരം അഭിനയിച്ചു കൊണ്ടിരിക്കുന്ന സത്യ എന്ന പെണ്കുട്ടി എന്ന സീരിയലിലെ നടിമാരായ മെര്ഷീനയ്ക്കും, ആര്ദ്ര ദാസിനും ഒപ്പമുള്ള ചിത്രമാണ് താരം പങ്കുവെച്ചിരിക്കുന്നത്.
“”ഇന്ന് നവംബര് 19. ലോക പുരുഷദിനം. പുരുഷന്റെ ഭാഗ്യം എന്ന് പറയുന്നത്, കോഫി ഹൗസിലെ ഉപ്പിന്റെ പാട്ട പോലെയാണ്. എത്ര കുടഞ്ഞാലും വീഴില്ല. വീഴുമ്പോഴോ.. അടപ്പ് തുറന്ന് ഒന്നടങ്കം മുഴുവനായങ്ങ് വീഴും. ദേ.. ഇതുപോലെ”” എന്നാണ് ചിത്രത്തിന് ക്യാപ്ഷനായി ജിഷിന് കുറിച്ചിരിക്കുന്നത്.
രണ്ടു സുന്ദരികളുടെ ഇടയില് കേറി നിന്ന് ഫിലോസഫി പറയുന്നത് പുരുഷ ദിനം തകര്ക്കാനാണോ എന്നാണ് പ്രേക്ഷകര് ചോദിക്കുന്നത്. ചേട്ടന് ഈ ക്യാപ്ഷന് എഴുതാന് വല്ല കോഴ്സിനും പോകുന്നുണ്ടോ?, ക്യാപ്ഷന് സിങ്കം എന്നിങ്ങനെയുള്ള കമന്റുകളാണ് ചിത്രത്തിന് ലഭിക്കുന്നത്.
നിരവധി സീരിയലുകളില് വേഷമിട്ട താരം മിനിസ്ക്രീനില് സജീവമാണ്. സോഷ്യല് മീഡിയയില് സജീവമായ താരം തന്റെയും കുടുംബത്തിന്റെയും എല്ലാ വിശേഷങ്ങളും ആരാധകരുമായി പങ്കുവെയ്ക്കാറുണ്ട്. നടി വരദ ആണ് ജിഷിന്റെ ഭാര്യ.