ഭര്ത്താവ് അധികം റൊമാന്റികായി അഭിനയിക്കുന്നത് കാണാന് ഇഷ്ടമല്ലെന്ന് നടി ഷഫ്ന. നിലവില് സാന്ത്വനം സീരിയലിലെ ശിവന് എന്ന കഥാപാത്രത്തില് തിളങ്ങി നില്ക്കുകയാണ് സജിന്. സ്ക്രീനില് ഭര്ത്താവിനെ ലിപ് ലോക് ചെയ്യാന് അനുവദിക്കില്ല എന്നാണ് ഷഫ്ന പറയുന്നത്. എന്നാല് തന്നോട് ഓവറായിട്ട് അഭിനയിക്കരുത് എന്നൊന്നും സജിന് പറഞ്ഞിട്ടില്ലെന്നും താരം പറയുന്നു.
സജിന്റെയും ഷഫ്നയുടെയും അഭിമുഖമാണ് ഇപ്പോള് ശ്രദ്ധ നേടുന്നത്. ഏറ്റവും പൊസസ്സീവ് ഷഫ്നയാണ്. ഇക്കയ്ക്ക് അങ്ങനെ ഒരു പ്രശ്നവുമില്ലെന്നാണ് നടി പറയുന്നത്. സീരിയലില് തന്നോട് ഓവറായിട്ടൊന്നും അഭിനയിക്കേണ്ട എന്നാണ് ഇവള് പറഞ്ഞിരിക്കുന്നതെന്ന് സജിനും പറയുന്നു.
മറുവശത്ത് നായികയായി ഗോപിക അഭിനയിക്കാന് വന്നത് ഭാഗ്യമാണ്. അല്ലെങ്കില് താന് ഇക്കാനെ കൊന്നേനെ. തന്റെ സീരിയലില് ഇതു പോലെയുള്ള എന്തെങ്കിലും സീനിനെ കുറിച്ച് പറയുമ്പോള് അതിനെന്താണ് നീ ചെയ്യണം, അത് നിന്റെ ജോലിയല്ലേ എന്നാണ് ഇക്ക പറയുക. അന്നേരം ഇതെന്ത് ഭര്ത്താവാണെന്ന് ചിന്തിക്കാറുണ്ട്.
ഇങ്ങനെ ഭര്ത്താവിനെ നിയന്ത്രിക്കുന്നത് തെറ്റാണെന്ന് തനിക്ക് അറിയാം. നാളെ തന്നോട് നീ ഈ സീനില് അഭിനയിക്കേണ്ടെന്ന് ഇക്ക പറഞ്ഞാല് അതോടെ എല്ലാം തീര്ന്നു. പക്ഷേ ഇക്കായ്ക്ക് തന്നെ അറിയാം. തന്റെയുള്ളിലെ കുശുമ്പ് അങ്ങോട്ട് പോവണം. അതിന് വേണ്ടി പറയുന്നതാണെന്ന് അദ്ദേഹത്തിന് അറിയാം.
അഭിനയിക്കുന്നതൊക്കെ കൊള്ളാം. പക്ഷേ ഭര്ത്താവ് ലിപ് ലോക് ഒന്നും ചെയ്യേണ്ട. താനതിന് സമ്മതിക്കില്ലെന്ന് ഷഫ്ന പറയുമ്പോള് തനിക്കത് ചെയ്യാന് പ്രശ്നമില്ലെന്നാണ് സജിന്റെ അഭിപ്രായം. ഇപ്പോള് അതൊന്നും പറയാന് പറ്റില്ല. കഥാപാത്രം അത് ആവശ്യപ്പെടുകയാണെങ്കില് ചെയ്തെന്ന് വരും എന്നും സജിന് പറയുന്നു.