വിക്രം നായകനായി എത്തിയ സ്‌കെച്ച് തമിഴിലിലെ അതേ പേരിലുള്ള ഷോര്‍ട്ട് ഫിലിമില്‍നിന്ന് കോപ്പി അടിച്ചതെന്ന് ആരോപണം. സ്‌കെച്ച് ഷോര്‍ട്ട്ഫിലിമിന്റെ സംവിധായകന്‍ സായ് പിള്ള തന്നെയാണ് ഇക്കാര്യം ട്വിറ്ററിലൂടെ ആരോപിച്ചത്. സ്‌കെച്ച് എന്ന തന്റെ ഷോര്‍ട്ട് ഫിലിമിനെ വലിച്ചു നീട്ടിയതാണ് വിക്രമിന്റെ സിനിമയെന്ന് സായ് പിള്ള പറഞ്ഞു.
https://twitter.com/saipillaii/status/952922220220706816
സ്‌കെച്ച് കണ്ടപ്പോള്‍ തനിക്ക് അതിയായ സങ്കടമുണ്ടായെന്നും എങ്ങനെയാണ് അവര്‍ക്ക് ഇത് ചെയ്യാന്‍ തോന്നിയതെന്നും തനിക്ക് എന്ത് ചെയ്യണമെന്ന് അറിയില്ലെന്നും സായ് പറഞ്ഞു. 2015ല്‍ യൂട്യൂബില്‍ റിലീസായ ചിത്രമാണ് സ്‌കെച്ച്.
https://twitter.com/saipillaii/status/952923021584433152
വിക്രം ചിത്രത്തിന്റെ സംവിധായകന്‍ വിജയ് ചന്ദര്‍ ആണ്. തമന്ന, സൂരി, വിശ്വനാഥ്, ആര്‍.കെ. സുരേഷ് തുടങ്ങിയവരാണ് ചിത്രത്തിലെ മറ്റ് താരങ്ങള്‍.
സ്‌കെച്ച് എ സസ്‌പെന്‍സ് ത്രില്ലര്‍ ഷോര്‍ട്ട് ഫിലിം എന്നാണ് ടാഗ്‌ലൈന്‍. തമിഴ് ആക്ഷന്‍ ത്രില്ലര്‍ ചിത്രമെന്നാണ് വിക്രം സിനിമയെ അണിയറക്കാര്‍ വിശേഷിപ്പിച്ചിരിക്കുന്നത്.