‘ഭൂതകാലം’ എന്ന ഹൊറർ ചിത്രത്തിലൂടെ മലയാള സിനിമയിൽ ശ്രദ്ധിക്കപ്പെട്ട യുവ സംവിധായകനായ രാഹുൽ സദാശിവന്റെ പുതിയ ചിത്രമാണ് മമ്മൂട്ടി നായകനായി എത്തുന്ന ‘ഭ്രമയുഗം’. മമ്മൂട്ടിയുടെ എഴുപത്തി രണ്ടാം പിറന്നാളിനോടനുബന്ധിച്ച് റിലീസ് ചെയ്ത ചിത്രത്തിന്റെ സെക്കന്റ് ലുക്ക് പോസ്റ്റർ വൈറലായിരുന്നു.
മമ്മൂട്ടിയുടെ ഫോട്ടോ ഉൾപ്പെട്ട പോസ്റ്ററിനെ കുറിച്ചും പോസ്റ്ററിലേക് എങ്ങനെ എത്തിയെന്നുമുള്ള കാര്യങ്ങൾ സംസാരിക്കുകയാണ് ഡിസൈനറായ അരുൺ അജിത് കുമാർ. സൈന സൗത്ത് പ്ലസിന് നൽകിയ അഭിമുഖത്തിലാണ് അരുൺ ഇക്കാര്യം സംസാരിച്ചത്.
‘നമ്മുടെ സെറ്റ് എന്ന് പറഞ്ഞാൽ വളരെ പ്രൈവറ്റ് ആയിട്ടുള്ള ഒരു സെറ്റ് ആണ്. സൈഡിൽ ലൈറ്റിങ് ഒക്കെ വെച്ച് ഷൂട്ട് ചെയ്തു. വളരെയധികം ലൈറ്റ് വേണം മീഡിയം ഫോർമാറ്റിൽ ഷൂട്ട് ചെയ്യാൻ. അതെല്ലാം സെറ്റപ്പ് ചെയ്തു രാവിലെ തന്നെ ഒരു ടെസ്റ്റ് ഷോട്ട് എടുത്തു. അപ്പോൾ അത് തന്നെ വർക്കാവുന്നുണ്ടായിരുന്നു. അതിൽ കുറച്ച് പണി ചെയ്താൽ മാത്രമേ സ്കിൻ ഡീറ്റെയിൽസ് ഒക്കെ പുറത്തുകൊണ്ടുവരാൻ സാധിക്കുകയുള്ളൂ. ഞാൻ എടുത്ത ടെസ്റ്റ് ഷോട്ട് മമ്മൂക്കയെ കാണിച്ചു.
പുള്ളി നോക്കിയിട്ട് നമുക്കിത് പിടിക്കാം എന്നൊക്കെ പറഞ്ഞു. എന്നിട്ട് പെട്ടെന്ന് കോസ്റ്റ്യൂം ഇട്ടു വന്നു. ഞങ്ങൾ ചെന്ന് വിശദീകരിച്ച് കൊടുത്തു. സ്ട്രോങ്ങ് ആയിട്ടുള്ള ഒരു ദേഷ്യമുള്ള എക്സ്പ്രഷൻ കിട്ടിയാൽ അടിപൊളിയാകും മമ്മൂക്ക, എന്ന് പറഞ്ഞു. നോക്കട്ടെ നമുക്ക് ഒരു പരിപാടി പിടിക്കാമെന്ന് മമ്മൂക്ക പറഞ്ഞു. പുള്ളിയുടെ ക്യാരക്ടറിന്റെ എസൻസും ഒരു ക്യാരക്റ്ററൈസേഷനുമൊക്കെ ഉൾക്കൊണ്ട് മമ്മൂക്ക കുറെ സാധനങ്ങൾ തരാൻ തുടങ്ങി.
അപ്പോൾ തന്നെ ചുറ്റുമുള്ള ആൾക്കാരും സംവിധായകനുമൊക്കെ അടിപൊളി എന്ന് പറയുകയുണ്ടായിരുന്നു. ബേസിക്കലി ഇമോഷൻസ് കിട്ടാൻ പ്ലാൻ ചെയ്തിട്ടുണ്ടായിരുന്നു. ഒരു പ്രത്യേകതരം ദേഷ്യം കിട്ടണമെന്ന് പ്രതീക്ഷിച്ചിരുന്നു. പുതിയ ഒരു അടിപൊളി സാധനമായിരുന്നു മമ്മൂക്ക തന്നത്. പുള്ളി ആ ക്യാരക്ടറിന് വേണ്ടിയുള്ള ആ ചിരി തന്നപ്പോഴാണ് നമുക്ക് കത്തിയത്.
ഇത് അടിപൊളി എന്ന് പറയുന്നുണ്ടായിരുന്നു. ഇത് വെച്ച് ട്രൈ ചെയ്യാം എന്ന് വിചാരിച്ചു . പിന്നെ അത് വെച്ചിട്ട് കൂടുതൽ പണിതാണ് ഈ ലെവലിലേക്ക് എത്തിച്ചത്’ അരുൺ പറഞ്ഞു.