ഗായകന് സന്നിധാനന്ദനെതിരെ സോഷ്യല് മീഡിയയില് അധിക്ഷേപ പരമാര്ശം. സന്നിധാനന്ദന്റേത് വൃത്തികെട്ട കോമാളി വേഷമാണെന്നും അറപ്പുളവാക്കുന്നതാണെന്നുമാണ് അധിക്ഷേപം. ഉഷാ കുമാരിയെന്ന ഫേസ്ബുക്ക് പ്രൊഫൈലില് നിന്നുമാണ് അധിക്ഷേപ പരാമര്ശം എത്തിയിരിക്കുന്നത്.
മുടി നീട്ടി വളര്ത്തിയതിന്റെ പേരില് ഗായകന് വിധു പ്രതാപിനെ അടക്കം വിമര്ശിച്ചാണ് പോസ്റ്റ്. ”കലാകാരന്മാരെ ഇഷ്ടമാണ് പക്ഷേ ഇതുപോലെ വൃത്തികെട്ട കോമാളി വേഷം ഇഷ്ടമല്ല. സത്യത്തില് പെട്ടന്നു കണ്ടാല് ആരും പേടിച്ചു പോകും, അറപ്പാകുന്നു” എന്നാണ് സന്നിധാനന്ദിന്റെ കുടുംബ ചിത്രം പങ്കുവെച്ച് യുവതിയുടെ പോസ്റ്റ്.
”ആണ്കുട്ടികളെ ആണായിട്ടും പെണ്കുട്ടികളെ പെണ്കുട്ടി ആയിട്ടും തന്നെ വളര്ത്തണം ഓരോമ്മമാരും വിതുപ്രതാവിനെ പോലെയും സന്നിതന തന്നെ പോലെ മുടി നീട്ടി കോമാളിയായി ജീവിച്ചു തീര്ക്കാന് ഉള്ളതല്ല ജീവിതം ടോപ് സിംഗര് സീസണ് 3യില് ഒരു മോന് നന്നായി പാടുന്ന കുട്ടി അവനെ കണ്ടാല് ആകെ കണ്ഫ്യൂഷന് ആകും.”
”ഇതൊക്കെ എന്താണ് ഇങ്ങനെ അമ്മമാര്ക്ക് ഒരു പിതാവും ഇല്ലേ നാളെ അവനെ ചാന്തുപൊട്ട് എന്ന് വിളിക്കാന് വഴിയൊരുകി കൊടുക്കുകയാണ് അമ്മമാര്” എന്നാണ് പോസ്റ്റ്. നിരവധി പേരാണ് സോഷ്യല് മീഡിയയില് യുവതിയെ വിമര്ശിച്ച് രംഗത്തെത്തുന്നത്.
