ആരാധകർ ആവേശത്തോടെ കാത്തിരിക്കുന്ന വിജയ് ചിത്രമാണ് ലിയോ. ഇപ്പോഴിതാ ചിത്രത്തിന്റെ ട്രെയിലർ റിലീസ് ചെയ്തിരിക്കുകയാണ്. കരിയറിലെ ഏറ്റവും വലിയ വിജയമായ വിക്രത്തിന് ശേഷം ലോകേഷ് കനകരാജ് സംവിധാനം ചെയ്യുന്ന ചിത്രം, ആരാധകരുടെ പ്രതീക്ഷ പോലെ തന്നെ മാസ് ത്രില്ലർ ഫീലാണ് ട്രെയിലറിലൂടെ തരുന്നത്. ത്രസിപ്പിക്കുന്ന രംഗങ്ങൾ നിറഞ്ഞ ട്രെയിലർ മറ്റൊരു ലോകേഷ് കനകരാജ് മാജിക് ചിത്രമാകും ലിയോ എന്ന സൂചന നൽകുന്നു. ഓക്ടോബർ അഞ്ചിന് ട്രെയിലറെത്തുമെന്ന വിവരം വിജയ് തന്നെ സമൂഹമാധ്യങ്ങളിലൂടെ പങ്കുവച്ചിരുന്നു.
ലോകേഷ് കനകരാജ് സംവിധാനം ചെയ്യന്ന ചിത്രം ഒക്ടോബർ 19നാണ് തിയറ്ററിലെത്തുന്നത്. മാസ്റ്ററിന് ശേഷം വിജയ്- ലോകി കൂട്ടുകെട്ടില് ഒരുങ്ങുന്ന ചിത്രത്തില് ആരാധകരുടെ പ്രതീക്ഷ വാനോളമാണ്.സെവൻ സ്ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിർമിക്കുന്നത്. ശ്രീ ഗോകുലം മൂവിസിന് വേണ്ടി ഗോകുലം ഗോപാലൻ ആണ് കേരളത്തിലെ വിതരണാവകാശം സ്വന്തമാക്കിയത്.ഡ്രീം ബിഗ് ഫിലിംസാണ് കേരളത്തിലെ ഡിസ്ട്രിബൂഷൻ പാർട്ണർ.
നായികയായി തൃഷ എത്തുന്ന ചിത്രത്തിൽ സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി വമ്പൻ താര നിര തന്നെയുണ്ട്. . അനിരുന്ധിന്റെ സംഗീതത്തിലൊരുങ്ങിയ പാട്ടുകളും ഹിറ്റ് ലിസ്റ്റില് ഇടം പിടിച്ചിട്ടുണ്ട്. .ഡി.ഒ.പി : മനോജ് പരമഹംസ, ആക്ഷൻ : അൻപറിവ് , എഡിറ്റിങ് : ഫിലോമിൻ രാജ്.