നടി രശ്മിക മന്ദാനയും നടൻ വിജയ് ദേവരകൊണ്ടയും പ്രണയത്തിലാണെന്ന റിപോർട്ടുകൾ വന്നിട്ട് കുറച്ചു നാളുകളായി. ഇരുവരെയും ചുറ്റിപറ്റി നിരവധി കിംവദന്തികളാണ് ഉണ്ടാകാറുള്ളത്. രശ്മികയുടെയും വിജയ്യുടെയും ഒന്നിച്ചുള്ള ചിത്രങ്ങളും വിഡിയോകളും നിമിഷനേരം കൊണ്ട് വൈറലാകാറുമുണ്ട്. എന്നാൽ രശ്മികയുടെ പുതിയൊരു വീഡിയോ ആണ് ഇപ്പോൾ ശ്രദ്ധയാകർഷിക്കുന്നത്.
രശ്മിക നായികയായി എത്തുന്ന രൺബീർ കപൂർ ചിത്രം ആനിമൽ എന്ന ചിത്രത്തിന്റെ പ്രമോഷനുമായി ബന്ധപ്പെട്ട് അണ്സ്റ്റോപ്പബള് വിത്ത് എൻബികെയില് എത്തിയതായിരുന്നു താരവും രൺബീർ കപൂറും. ഷോയുടെ രസകരമായ ഒരു പ്രോമോ വീഡിയോയിലാണ് ആരാധകർ ചിലത് കണ്ടെത്തിയിരിക്കുന്നത്.
ദേവരെകൊണ്ടയുടെ അര്ജുൻ റെഡ്ഡി എന്ന സിനിമയുടെയും രൺബീറിന്റെ ആനിമല് സിനിമയുടെയും പോസ്റ്റര് കാണിച്ചപ്പോള് മികച്ച നായകൻ ആരാണെന്ന് ചോദിക്കാൻ ബാലയ്യയോട് രണ്ബിര് ആവശ്യപ്പെടുമ്പോൾ രശ്മികയുടെ മുഖം ചുവക്കുന്നതായി വീഡിയോയില് കാണാമെന്നാണ് ആരാധകര് പറയുന്നത്. വിജയ് ദേവേരകൊണ്ട ഫോണില് വിളിക്കുമ്പോൾ രശ്മിക മന്ദാനയുടെ മുഖം നാണത്താല് ചുവന്നു എന്നാണ് ചിലർ കമന്റ് ചെയ്തിരിക്കുന്നത്.
സന്ദീപ് റെഡ്ഡി വംഗ സംവിധാനം ചെയ്ത പാൻ-ഇന്ത്യ സിനിമയിൽ അനിൽ കപൂർ, ബോബി ഡിയോൾ, ത്രിപ്തി ദിമ്രി, ശക്തി കപൂർ, പ്രേം ചോപ്ര എന്നിവരും അഭിനയിക്കുന്നു. ഹിന്ദി, തെലുങ്ക്, തമിഴ്, കന്നഡ, മലയാളം ഭാഷകളിൽ ഡിസംബർ ഒന്നിന് തിയേറ്ററുകളിൽ ആനിമൽ റിലീസ് ചെയ്യും.