മാര്വല് കോമിക്സിലെ സൂപ്പര് ഹീറോ ആയി പാക്കിസ്ഥാനി-കനേഡിയന് നടി ഇമാന് വെല്ലാനി. കമല ഖാന് / മിസ് മാര്വല് എന്ന സൂപ്പര് ഹീറോയെ ആസ്പദമാക്കി ഒരുങ്ങുന്ന ‘മിസ് മാര്വല്’ ഡിസ്നി പ്ലസ് ഹോട്സ്റ്റാറില് റിലീസ് ചെയ്യും.
ക്യാപ്റ്റന് മാര്വലിന്റെ കടുത്ത ആരാധികയായ മുസ്ലിം പാകിസ്ഥാനി-അമേരിക്കന് ടീനേജറായ കമല ഖാന് പെട്ടന്നൊരു ദിവസം അത്ഭുത ശക്തി ലഭിക്കുന്നതും തുടര്ന്ന് അവരുടെ ജീവിതത്തിലുണ്ടാകുന്ന മാറ്റങ്ങളുമാണ് ചിത്രം പറയുക. ആരമിസ് നൈറ്റ്, സാഗര് ഷെയ്ഖ്, റിഷ് ഷാ, മോഹന് കപൂര് എന്നിവരാണ് മറ്റ് താരങ്ങള്.
ആറ് എപ്പിസോഡുകളുള്ള മിസ് മാര്വല് ജൂണ് എട്ട് മുതല് സ്ട്രീം ചെയ്ത് തുടങ്ങും. ട്രെയ്ലര് എത്തിയതോടെ മാര്വല് യൂണിവേഴ്സിലെ മാറ്റങ്ങളെ കുറിച്ചുള്ള കമന്റുകളാണ് എത്തുന്നത്. ബോളിവുഡ് താരം ഫര്ഹാന് അക്തര് സീരിസിന്റെ ഭാഗമാകുമെന്ന് റിപ്പോര്ട്ടുകള് ഉണ്ടായിരുന്നെങ്കിലും ട്രെയ്ലറില് പ്രത്യക്ഷപ്പെട്ടിട്ടില്ല.