രണ്ടു വര്‍ഷത്തെ പ്രണയത്തിന് ശേഷം ഹോളിവുഡ് താരം ക്രിസ്റ്റിന്‍ സ്റ്റുവര്‍ട്ടും കാമുകി ഡിലന്‍ മേയറും വിവാഹിതരാകുന്നു. ട്വിലൈറ്റ് സിനിമാ സീരിസിലൂടെ ഏറെ ശ്രദ്ധേയായ താരമാണ് ക്രിന്‍സ്റ്റിന്‍ സ്റ്റുവര്‍ട്ട്. വിവാഹനിശ്ചയം കഴിഞ്ഞ വിവരം ക്രിസ്റ്റിന്‍ തന്നെയാണ് പുറത്ത് വിട്ടത്.
”അങ്ങനെ അത് സംഭവിക്കാന്‍ പോകുന്നു. ഞങ്ങള്‍ വിവാഹിതരാകുന്നു. അവള്‍ എന്നോട് വിവാഹാഭ്യര്‍ഥന നടത്തണമെന്ന് ഞാന്‍ ആഗ്രഹിച്ചു. അതവള്‍ മനോഹരമായി ചെയ്തു” എന്ന് ക്രിസ്റ്റിന്‍ പറഞ്ഞതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ടു ചെയ്തു.
ദ സേഫ്റ്റി ഓഫ് ഒബ്ജക്റ്റ്സ് എന്ന ചിത്രത്തിലൂടെയാണ് ക്രിസ്റ്റിന്‍ അഭിനയരംഗത്ത് അരങ്ങേറ്റം കുറിച്ചത്. ട്വിലൈറ്റിലെ ബെല്ല എന്ന കഥാപാത്രത്തിലൂടെയാണ് ലോകമൊട്ടാകെ ശ്രദ്ധ നേടിയത്. അഭിനേത്രിയും എഴുത്തുകാരിയുമാണ് ഡിലന്‍ മേയര്‍. മിസ് 2059 എന്ന സീരിസിലും ഏതാനും ചിത്രങ്ങളിലും ഡിലന്‍ വേഷമിട്ടിട്ടുണ്ട്.
ട്വിലൈറ്റിലെ റോബേര്‍ട്ട് പാറ്റിന്‍സണുമായി റിലേഷന്‍ഷിപ്പിലായിരുന്ന സ്റ്റുവര്‍ട്ട് ആ ബന്ധം ഉപേക്ഷിക്കുകയായിരുന്നു. ഒരു സിനിമാ സെറ്റില്‍ വച്ചാണ് സ്റ്റുവര്‍ട്ട് മേയറെ പരിചയപ്പെടുന്നത്. 2019ല്‍ ആണ് ഇരുവരും ഒന്നിച്ച് പ്രത്യക്ഷപ്പെട്ട് പ്രണയത്തിലാണെന്ന വിവരം പുറത്തുവിടു