ഹോളിവുഡ് സിനിമാ പ്രേമികള് ആകാംക്ഷയോടെ കാത്തിരിക്കുന്ന എഫ് 9: ദ് ഫാസ്റ്റ് സാഗയുടെ ട്രെയിലര് റിലീസ് ചെയ്തു. ഡെക്കാര്ഡ് ഷോയാല് കൊല്ലപ്പെടുന്ന ഹാന് ലു തിരിച്ചെത്തുന്നതാണ് ട്രെയിലറിലെ സര്പ്രൈസ്. ടൊറെറ്റോയുടെ സഹോദരന് ജേക്കബ് എത്തുന്നിടത്താണ് പുതിയ കഥയുടെ തുടക്കം.
വിന് ഡീസലിന്റെ അനിയനായി ജോണ് സീന ചിത്രത്തിലെത്തുന്നു. ഫാസ്റ്റ് ആന്ഡ് ഫ്യൂരിയസ് സീരിസിലെ ഒമ്പാതാമത്തെ ചിത്രമാണിത്. കുടുംബവുമൊത്ത് കഴിയുന്ന ഡൊമിനിക്ക് ടൊറെറ്റോയെയും ട്രെയിലറില് കാണാം. വിന് ഡീസല്, മിഷെല്ലെ, ജോര്ദാന, ടൈറെസ്, നതാലി, ജോണ് സീന, ചാര്ലൈസ് തെറോണ് എന്നിവര് ചിത്രത്തിലുണ്ട്.
2017ല് റിലീസ് ചെയ്ത ദ് ഫേറ്റ് ഓഫ് ദ് ഫ്യൂരിയസിന്റെ സീക്വല് ആയാകും ഈ ചിത്രം റിലീസിനെത്തുക. ജെസ്റ്റിന് ലിന് ആണ് ചിത്രം സംവിധാനം ചെയ്യുന്നത്. ചിത്രം മെയ് 22ന് തിയേറ്ററുകളിലെത്തും.