നഴ്സിംഗ് മേഖലയില് നിന്നാണ് മോഡലിങ് രംഗത്തേക്ക് ഗൗരി സിജി മാത്യൂസ് കടന്നുവരുന്നത്. ഇപ്പോഴിതാ ശരീരം പ്രദര്ശിപ്പിക്കുന്ന തരത്തിലുള്ള ചിത്രങ്ങള് എടുക്കുന്നുവെന്ന ആരോപണങ്ങള്ക്കും വിമര്ശനങ്ങള്ക്കും വായടപ്പിക്കുന്ന മറുപടിയുമായി എത്തിയിരിക്കുകയാണ് ഗൗരി.
‘സ്ത്രീ ശരീരം ഒളിച്ചുവെക്കേണ്ട ഒന്നല്ലെന്നും അഡല്ട്ട് ആപ്പുകളില് തന്റെ ചിത്രങ്ങള് വാങ്ങാന് ആളുകളുള്ളപ്പോള് അതില് നിന്നും വരുമാനം കണ്ടെത്തുന്നതില് എന്താണ് തെറ്റെന്നുമാണ് ഗൗരി ചോദിക്കുന്നത്.
ശരീരം ഒന്ന് തുറന്നുകാട്ടിയെന്ന് വെച്ച് ഒന്നും നഷ്ടപ്പെടാനില്ലെന്നും ഗൗരി ഓണ്ലൈന് മാധ്യമവുമായുള്ള അഭിമുഖത്തില് പറഞ്ഞു.’എന്റെ ശരീരത്തെക്കുറിച്ച് വളരെ ഏറെ ആത്മവിശ്വാസമുള്ള എനിക്ക് ശരീരത്തെ തുറന്നു കാട്ടുക എന്നത് വലിയൊരു ഇഷ്യു ആയിരുന്നില്ല. എന്നിരുന്നാലും ശരീരം കാണിക്കാന് വേണ്ടി മാത്രം മോഡലിങ് ചെയ്യുന്നതിനോട് എനിക്ക് യോജിപ്പില്ല. ക്രിയേറ്റീവായി ശരീരം പ്രദര്ശിപ്പിക്കേണ്ടി വരുന്നുണ്ടെങ്കില് അതിന് യാതൊരു മടിയും വിചാരിക്കേണ്ട കാര്യമില്ല’ ഗൗരി സിജി മാത്യൂസ് പറയുന്നു.
അഡല്ട്ട് ആപ്പുകളില് ഞാന് എടുക്കുന്ന ഷൂട്ടുകള് വാങ്ങാന് ആളുകളുള്ളപ്പോള് അതില് നിന്ന് എനിക്കൊരു വരുമാനം ലഭിക്കുന്നതില് എന്താണ് തെറ്റ്? അതോടൊപ്പം തന്നെ ഞാന് ഒരു ഭാര്യയാണ്, അമ്മയാണ്, മകളാണ്, സുഹൃത്താണ്. ഇതിനെല്ലാം എനിക്ക് സമയം കണ്ടെത്താനും ശ്രദ്ധ ചെലുത്താനും സാധിക്കുന്നുമുണ്ട്. ഫാമിലി എനിക്ക് നല്ല സപ്പോര്ട്ട് ആണ്. – ഗൗരി കൂട്ടിച്ചേര്ത്തു.