ലോകേഷ് കനകരാജ്- വിജയ് കൂട്ടുക്കെട്ടിലൊരുങ്ങിയ ലിയോ തിയേറ്ററുകളിലെത്തി. ആദ്യ മണിക്കൂറുകളില് മികച്ച പ്രതികരകണമാണ് ചിത്രത്തിന് ലഭിക്കുന്നത്. വിജയ്യുടെ കരിയര് ബെസ്റ്റ് പെര്ഫോമന്സാണ് ചിത്രത്തിലേതെന്നാണ് സോഷ്യല് മീഡിയയില് വരുന്ന പ്രതികരണങ്ങള്. ഗംഭീര ഷോര്ട്ടുകളും മികച്ച ദൃശ്യങ്ങളും കൊണ്ട് ചിത്രം സമ്പന്നമാണെന്നും ചിത്രം കണ്ടിറങ്ങിയവര് അഭിപ്രായപ്പെടുന്നു.
വിജയോടൊപ്പം വമ്പന് താര നിരയാണ് ലിയോയില് ഉള്ളത്. തൃഷ, സഞ്ജയ് ദത്ത്, അര്ജുന് സര്ജ, ഗൗതം മേനോന്, മിഷ്കിന്, മാത്യു തോമസ്, മന്സൂര് അലി ഖാന്, പ്രിയ ആനന്ദ്, സാന്ഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തില് അണിനിരക്കുന്നത്. ചിത്രത്തിനായി അനിരുദ്ധ് സംഗീതം ഒരുക്കുന്നു.
സെവന് സ്ക്രീന് സ്റ്റുഡിയോ, ദി റൂട്ട് എന്നിവയുടെ ബാനറുകളില് ലളിത് കുമാറും ജഗദീഷ് പളനിസാമിയും ചേര്ന്നാണ് ലിയോ നിര്മിക്കുന്നത്.ശ്രീ ഗോകുലം മൂവിസിന് വേണ്ടി ഗോകുലം ഗോപാലന് ആണ് കേരളത്തിലെ വിതരണാവകാശം സ്വന്തമാക്കിയത്. ഡ്രീം ബിഗ് ഫിലിംസാണ് കേരളത്തിലെ ഡിസ്ട്രിബൂഷന് പാര്ട്ട്നര്.