ഇര്ഷാദ് ഹമീദ് സംവിധാനം ചെയ്യുന്ന ഏറ്റവും പുതിയ ചിത്രമായ ഒരു വടക്കന് പെണ്ണ് അധികം വൈകാതെ തിയേറ്ററുകളിലേക്ക്. വിജയ് ബാബു, ശ്രീജിത്ത് രവി, ഗാഥ എന്നിവര് കേന്ദ്ര കഥാപാത്രങ്ങളാകുന്ന സിനിമയുടെ് ചിത്രീകരണം പൂര്ത്തിയായി. ഇര്ഷാദ് ഹമീദ് രചനയും സംവിധാനവും നിര്വഹിച്ചിരിക്കുന്ന ചിത്രം നിര്മിക്കുന്നത് റെമി റഹ്മാനാണ്.
മനുഷ്യസമൂഹം ഏറ്റവുമധികം ഭയക്കുന്ന ഒരു മഹാവിപത്തിന്റെ കാണാപ്പുറങ്ങളെ കുറിച്ച് പ്രതിപാദിക്കുന്ന ചിത്രമാണ് “”ഒരു വടക്കന് പെണ്ണ്””. തുളസി സുന്ദരിയാണ്. അവളുടെ ജീവിതയാത്രയില്, കടന്നുവരുന്ന മൂന്ന് പുരുഷന്മാര് സൃഷ്ടിക്കുന്ന ചലനങ്ങളാണ് ചിത്രത്തിന്റെ മുഖ്യ ഇതിവൃത്തം. ഒത്തിരി സ്നേഹിച്ച ഭര്ത്താവ് ചന്ദ്രന്, ആംബുലന്സ് ഡ്രൈവര് ശിവന്, നിഷ്ക്കളങ്ക യുവാവ് നന്ദന് എന്നിവരാണവര്.
ഇര്ഷാദ്, സോനാ നായര്, അജയഘോഷ്, അഞ്ജലി നായര്, ഐശ്വര്യ, നിന്സി സേവ്യര്, മനീഷ ജയ്സിംഗ്, ആറ്റുകാല് തമ്പി, സുമേഷ് തച്ചനാടന്, രഞ്ജിത്ത് തോന്നയ്ക്കല്, ഷാജി തോന്നയ്ക്കല് , അനില് കൂവളശ്ശേരി, ശ്യാം ചാത്തന്നൂര്, വിനോദ് നമ്പൂതിരി, മനു ചിറയകീഴ് എന്നിവരാണ് മറ്റു അഭിനേതാക്കള്.
ഛായാഗ്രഹണം-ഹാരിസ് അബ്ദുള്ള, ഗാനരചന-രാജീവ് ആലുങ്കല്, എസ്.എസ്.ബിജു, വിജയന് വേളമാനൂര്, സംഗീതം-അജയ് സരിഗമ, ബിനു ചാത്തന്നൂര്, ആലാപനം-ജി.വേണുഗോപാല് , ജാസി ഗിഫ്റ്റ്, സരിത റെജീവ്, അര്ച്ചന പ്രകാശ് , എഡിറ്റിംഗ് -ബാബുരാജ്, കഥ-എല്. ശ്രീകാന്തന് , പ്രൊഡക്ഷന് കണ്ട്രോളര് -അജയഘോഷ് പരവൂര് , എന്.ആര് ശിവന്, കല-ബാബു ആലപ്പുഴ , ചമയം-സലിം കടയ്ക്കല് , വസ്ത്രാലങ്കാരം-സുനില് റഹ്മാന്