മൂന്നാം വിവാഹത്തെ തുടര്ന്ന് വീണ്ടും വിവാദങ്ങളില് നിറയുകയാണ് നടി വനിത വിജയകുമാര്. ഭര്ത്താവ് പീറ്റര് പോളിന്റെ ആദ്യ ഭാര്യ എലിസബത്ത് ഹെലന് വിവാഹത്തിനെതിരെ രംഗത്തെത്തിയതോടെയാണ് വിവാദങ്ങള് ഉടലെടുത്തത്. വിവാഹവുമായി ബന്ധപ്പെട്ട ചര്ച്ചയില് കഴിഞ്ഞ ദിവസം ലൈവ് അഭിമുഖത്തിനിടെ നടിയും സംവിധായികയുമായ ലക്ഷ്മി രാമകൃഷ്ണനെയും വനിത ചീത്ത വിളിച്ചിരുന്നു.
ഈ വിവാദങ്ങളിലേക്ക് നയന്താരയുടെയും പ്രഭുദേവയുടെയും പേരുകളും കൂടി ചേര്ത്തിരിക്കുകയാണ് വനിത. ലക്ഷ്മി നാരയണന്, കസ്തൂരി ശങ്കര് എന്നിവരെ ടാഗ് ചെയ്താണ് വനിത ട്വീറ്റ് ചെയ്തിരിക്കുന്നത്.
“”ലക്ഷ്മി നാരയണന്, കസ്തൂരി ശങ്കര്, അങ്ങനെയെങ്കില് പ്രഭു ദേവയ്ക്കൊപ്പം താമസിച്ചിരുന്നപ്പോള് നയന്താരയും മോശം സ്ത്രീ… അദ്ദേഹത്തിന്റെ ഭാര്യയും മൂന്ന് കുട്ടികളുടെ അമ്മയായ റംലത്ത് കോടതിയിലും മാധ്യമങ്ങള്ക്ക് മുമ്പിലും എത്തിയപ്പോള് നിങ്ങള് എന്തുകൊണ്ട് ശബ്ദിച്ചില്ല”” എന്നാണ് വനിത ട്വീറ്റ് ചെയ്തത്.
നയന്താരയുടെ ആരാധകര് രംഗത്തെത്തിയതോടെ ഈ ട്വീറ്റ് വനിത നീക്കം ചെയ്തു. ഇക്കാര്യങ്ങളിലേക്ക് അനാവശ്യമായി നയന്താരയെ വലിച്ചിഴച്ചതിന് താരത്തിനോട് മാപ്പ് പറയണമെന്ന് ആവശ്യപ്പെട്ടാണ് ആരാധകര് രംഗത്തെത്തിയത്.