കണ്ണന് താമരക്കുളം സംവിധാനം ചെയ്ത ‘ഉടുമ്പ്’ തിയേറ്ററുകളിലേക്ക്. സെന്തില് കൃഷ്ണ, ഹരീഷ് പേരടി, അലന്സിയര്, സാജല് സുദര്ശന് എന്നിവര് മുഖ്യ വേഷങ്ങളില് എത്തുന്ന ചിത്രം ആക്ഷന് പ്രാധാന്യമുള്ളതാണ്. തിയേറ്ററുകള് ഒക്ടോബറില് തുറക്കുമെന്ന് സര്ക്കാര് സൂചന നല്കിയ പശ്ചാത്തലത്തിലാണ് പൂജ അവധിക്ക് ഉടുമ്പ് റിലീസ് ചെയ്യുമെന്ന പ്രഖ്യാപനം അണിയറ പ്രവര്ത്തകര് നടത്തിയിരിക്കുന്നത്.
200ല് അധികം തിയേറ്ററുകളില് ചിത്രം റിലീസ് ചെയ്യും. 24 മോഷന് ഫിലിംസും കെടി മൂവി ഹൗസും ചേര്ന്നാണ് ചിത്രത്തിന്റെ നിര്മാണം. ആഞ്ജലീന, യാമി സോന എന്നിവരാണ് ചിത്രത്തിലെ നായികമാര്. ധര്മ്മജന് ബോള്ഗാട്ടി, മന്രാജ്, മുഹമ്മദ് ഫൈസല്, വി.കെ ബൈജു, ജിബിന് സാഹിബ്, എന്.എം ബാദുഷ, എല്ദോ ടി.ടി, ശ്രേയ അയ്യര് തുടങ്ങിയവരാണ് ചിത്രത്തിലെ മറ്റ് അഭിനേതാക്കള്.
മോളിവുഡില് ആദ്യമായി റിലീസിന് മുന്പ് തന്നെ മറ്റ് ഇന്ത്യന് ഭാഷയിലേക്ക് മൊഴിമാറ്റവകാശം കരസ്ഥമാക്കിയ ചിത്രമാണ് ഉടുമ്പ്. ചിത്രത്തിന്റെ ഹിന്ദി റീമേക്ക് അവകാശം മാരുതി ട്രേഡിംഗ് കമ്പനിയും സണ് ഷൈന് മ്യൂസിക്കും ചേര്ന്ന് സ്വന്തമാക്കി. ഈ വര്ഷം അവസാനത്തോടെ ബോളിവുഡില് ചിത്രീകരണം ആരംഭിക്കാനാണ് പ്ലാന്.
രവിചന്ദ്രനാണ് ഛായാഗ്രഹണം നിര്വഹിക്കുന്നത്. എന്.എം ബാദുഷ ചിത്രത്തിന്റെ ലൈന് പ്രൊഡ്യൂസറാവുന്നു. സാനന്ദ് ജോര്ജ് ഗ്രേസ് ആണ് സംഗീതം.വി.ടി ശ്രീജിത്ത് എഡിറ്റിങ് നിര്വഹിക്കുന്നു. പി.ആര്.ഒ- പി ശിവപ്രസാദ്, സുനിത സുനില്.
