ടൊവീനോ ചിത്രം കല്ക്കിയ്ക്കായുള്ള കാത്തിരിപ്പിലാണ് ആരാധകര്. ചിത്രം ഓഗസ്റ്റ് 8ന് തിയേറ്ററുകളിലെത്തുന്നതിന് മുന്നോടിയായി താരത്തിന്റെ ഒരു ഹെയര് സ്റ്റൈല് സോഷ്യല് മീഡിയയില് ശ്രദ്ധേയമാകുകയാണ്. ഇതുവരെ ടൊവീനോ ചെയ്തിട്ടില്ലാത്ത തരത്തിലുള്ള ഈ ഹെയര് സ്റ്റൈലിനെ കുറിച്ചാണ ആരാധകരുടെ സംസാരം.
സെക്കന്ഡ് ഷോ, കൂതറ, തീവണ്ടി എന്നീ ചിത്രങ്ങളുടെ ചീഫ് അസോഷ്യേറ്റായിരുന്ന പ്രവീണ് പ്രഭാറാം ആദ്യമായി സംവിധാനം ചെയ്യുന്ന ചിത്രം കൂടിയാണ് കല്ക്കി.. “എസ്ര”യ്ക്ക് ശേഷം ടൊവീനോ പൊലീസ് വേഷത്തിലെത്തുന്ന ചിത്രമാകും “കല്ക്കി”. ചിത്രത്തിന്റേതായി നേരത്തെ പുറത്തിറങ്ങിയ പോസ്റ്ററുകള്ക്കും ടീസറിനും മികച്ച സ്വീകാര്യതയാണ് സോഷ്യല് മീഡിയയില് ലഭിച്ചത്. സുജിന് സുജാതനും സംവിധായകന് പ്രവീണും ചേര്ന്നാണ് ചിത്രത്തിന് തിരക്കഥയൊരുക്കിയിരിക്കുന്നത്.
ചിത്രത്തില് സംയുക്ത മേനോനാണ് നായിക. ലിറ്റില് ബിഗ് ഫിലിംസിന്റെ ബാനറില് പ്രശോഭ് കൃഷ്ണയ്ക്കൊപ്പം സുവിന് കെ വര്ക്കിയും ചേര്ന്നാണ് ചിത്രം നിര്മ്മിക്കുന്നത്. ഗൗതം ശങ്കര് ആണ് ഛായാഗ്രഹണം. സെന്ട്രല് പിക്ചേഴ്സാണ് ചിത്രം വിതരണത്തിനെത്തിക്കുന്നത്.