സ്‌റ്റൈല്‍ മന്നന്‍ രജനീകാന്തും കമല്‍ ഹാസനും രാഷ്ട്രീയത്തിലേക്ക് കടക്കുന്ന വാര്‍ത്തകള്‍ സ്ഥിരീകരിച്ചിരുന്നു. എന്നാല്‍ മറ്റൊരു താരം കൂടി രാഷട്രീയ പ്രവേശനം നടത്താന്‍ പോകുകയാണ് എന്നാണ് പുതിയ റിപ്പോര്‍ട്ട്. തമിഴ്നാട് മുന്‍മുഖ്യമന്ത്രി ജയലളിതയുടെ മരണത്തെ തുടര്‍ന്ന് ഉപതെരഞ്ഞെടുപ്പ് നടക്കാനിരിക്കുന്ന ആര്‍ കെ നഗര്‍ മണ്ഡലത്തെ കേന്ദ്രീകരിച്ചുള്ള ചര്‍ച്ച നടക്കുന്നത്. ആര്‍ കെ നഗറില്‍ മത്സരിക്കാനൊരുങ്ങുകയാണ് തമിഴ് നടന്‍ വിശാല്‍ എന്നാണ് പുറത്തുവന്ന റിപ്പോര്‍ട്ടുകള്‍
സ്വതന്ത്രസ്ഥാനാര്‍ത്ഥിയായാണ് വിശാല്‍ ആര്‍ കെ നഗര്‍ ഉപതെരഞ്ഞെടുപ്പില്‍ മത്സരിക്കുക. അഭിനേതാക്കളുടെയും നിര്‍മ്മാതാക്കളുടെയും സംഘടനകളുടെ ഭാരവാഹിയാണ് വിശാല്‍.
നേരത്തേ സാമൂഹ്യപ്രശ്നങ്ങളില്‍ നിലപാടുകള്‍ വ്യക്തമാക്കി തന്റെ രാഷ്ട്രീയ പ്രവേശന സൂചന വിശാല്‍ നല്‍കിയിരുന്നു. വിശാല്‍ തിങ്കളാഴ്ച നാമനിര്‍ദ്ദേശ പത്രിക സമര്‍പ്പിക്കാനാണ് സാധ്യത. തിങ്കളാഴ്ചയാണ് ഉപതെരഞ്ഞെടുപ്പിന് പത്രിക സമര്‍പ്പിക്കേണ്ട അവസാന തീയതി. ഡിസംബര്‍ 17നാണ് ആര്‍ കെ നഗറില്‍ തെരഞ്ഞെടുപ്പ് നടക്കുന്നത്.