2023 ജൂണില് ആയിരുന്നു വിജയ് വര്മ്മയുമായുള്ള ബന്ധം നടി തമന്ന സ്ഥിരീകരിച്ചത്. എന്നാല് രണ്ട് വര്ഷത്തെ പ്രണയത്തിനൊടുവില് താരങ്ങള് വേര്പിരിഞ്ഞിരിക്കുകയാണ്. തമന്ന ഒരു കാര്യത്തില് മുന്നോട്ട് വച്ച നിബന്ധനയാണ് വേര്പിരിയലിന് കാരണമായത് എന്ന റിപ്പോര്ട്ടുകളാണ് ഇപ്പോള് പുറത്തു വന്നിരിക്കുന്നത്. എത്രയും വേഗം വിവാഹം നടത്തണം എന്നായിരുന്നു തമന്നയുടെ ആഗ്രഹം.
എന്നാല് ഈ തമന്നയുടെ തീരുമാനത്തോട് വിജയ് വര്മ്മ കൃത്യമായി പ്രതികരിച്ചില്ല. ഇരുവര്ക്കുമിടയില് വലിയ തര്ക്കം ഉണ്ടായതോടെ വേര്പിരിയലിലേക്ക് കലാശിക്കുകയായിരുന്നു. ഇതോടെയാണ് ഒന്നിച്ചുള്ള ചിത്രങ്ങള് അടക്കം താരങ്ങള് സോഷ്യല് മീഡിയയില് നിന്നും നീക്കിയത്. നേരത്തെ തന്നെ ഇരുവരും വേര്പിരിയുന്നുവെന്ന വാര്ത്ത പുറത്തുവന്നിരുന്നു.
അതേസമയം, പ്രണയം അവസാനിപ്പിക്കുകയാണെങ്കിലും ഇരുവരും സൗഹൃദം തുടരും. താരങ്ങള് അവരവരുടെ പ്രോജക്ടുകളുടെ തിരക്കിലാണ് എന്നുമാണ് ഇരുവരുടെയും അടുത്തവൃത്തങ്ങളെ ഉദ്ധരിച്ചുകൊണ്ട് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
അടുത്തിടെ ഒരു അഭിമുഖത്തില് വിവാഹത്തെ കുറിച്ചുള്ള ചോദ്യത്തിന് താനിപ്പോള് ജീവിതത്തില് വളരെ സന്തോഷവതിയാണ്, വിവാഹം എന്നത് സാധ്യത മാത്രമാണെന്ന് നടി പറഞ്ഞിരുന്നു. കരിയറിനും വിവാഹത്തിനും തമ്മില് ബന്ധമില്ല. വിവാഹം കഴിഞ്ഞാല്പ്പോലും അഭിനയം തുടരും എന്നും തമന്ന പറഞ്ഞിരുന്നു.