അല്ലു അര്ജുനെ നായകനാക്കി സുകുമാര് ഒരുക്കിയ മാസ് എന്റര്ടെയ്നര് ചിത്രമായിരുന്നു പുഷ്പ. പാന് ഇന്ത്യ റിലീസായി പുറത്തിറങ്ങിയ ഈ സിനിമ 2021ലെ ഏറ്റവും പണംവാരിയ ചിത്രത്തില് ഒന്നുമായിരുന്നു
അല്ലുവിന്റെ അഭിനയത്തെയും സുകുമാറിന്റെ സംവിധാനത്തെയും പോലെ ഏറെ പ്രശംസ നേടിയവയായിരുന്നു ചിത്രത്തിലെ എല്ലാ ഗാനങ്ങളും. ചിത്രത്തിലെ ‘കണ്ണില് കര്പ്പൂര ദീപമോ…’ എന്ന് തുടങ്ങുന്ന ഗാനവും ഏറെ ശ്രദ്ധ നേടിയിരുന്നു. ഓസീസ് ക്രിക്കറ്റ് താരം ഡേവിഡ് വാര്ണറടക്കമുള്ള താരങ്ങള് ഈ പാട്ടിനൊപ്പം ഇന്സ്റ്റഗ്രാമില് റീല്സ് വീഡിയോയ്ക്ക് ചുവടുവെച്ചിരുന്നു.
ഇപ്പോഴിതാ, ‘പുഷ്പരാജ് ഡാന്സ് ചെയ്യുന്നത് നിര്ത്തിയില്ലായിരുന്നുവെങ്കില്..’ എന്ന ക്യാപ്ഷനോടെ പുതിയ ട്രോള് വീഡിയോ പുറത്തിറക്കിയിരിക്കുകയാണ് ട്രോളനായ അതുല് സജീവ്. തന്റെ ഇന്സ്റ്റഗ്രാം അക്കൗണ്ടിലൂടെയാണ് അതുല് വീഡിയോ പങ്കുവെച്ചിരിക്കുന്നത്.
പുഷ്പരാജ് ഡാന്സ് നിര്ത്താതെ തുടര്ന്ന് പോവുന്നതും, മലയാള സിനിമയിലെ വിവിധ സീനുകളിലൂടെ കടന്നു പോവുകയും ചെയ്ത് അവസാനം ബോബി ചെമ്മണ്ണൂരിന്റെ കയ്യില് നിന്നും അടി വാങ്ങുന്നതാണ് വീഡിയോയിലുള്ളത്.