രാജ്യത്തിനായി ജീവന് പണയം വെച്ച് കാവല് നില്ക്കുന്ന ഒരോ ജവാനുമുള്ള ആദരവായി “എടക്കാട് ബറ്റാലിയന് 06″ലെ ഗാനം. “”മൂകമായ് ഒരു പകല് പോലെ”” എന്ന ഗാനമാണ് പുറത്തെത്തിയത്. മനു മഞ്ജിത്തിന്റെ വരികള്ക്ക് കൈലാസ് മേനോന് സംഗീത സംവിധാനം നിര്വ്വഹിച്ച് അക്ബര് ഖാന് ആലപിച്ച ഗാനമാണ് പുറത്തെത്തിയിരിക്കുന്നത്.
ഷഫീക് എന്ന പട്ടാളക്കാരന്റെ ജീവിതമാണ് എടക്കാട് ബറ്റാലിയനില് പറയുന്നത്. നവാഗതനായ സ്വപ്നേഷ് കെ നായര് ഒരുക്കിയ ചിത്രത്തില് ടൊവിനോ തോമസ് ആണ് ഷെഫീക് ആയി വേഷമിട്ടത്. സംയുക്ത മേനോനാണ് നായികയായി എത്തിയത്. നൈന ഫാത്തിമ എന്ന അധ്യാപികയുടെ വേഷത്തിലാണ് സംയുക്ത എത്തിയത്.
കാര്ണിവല് മോഷന് പിക്ചേഴ്സും റൂബി ഫിലിംസും ചേര്ന്നാണ് നിര്മ്മാണം. പി ബാലചന്ദ്രന് കഥ, തിരക്കഥ നിര്വ്വഹിച്ചിരിക്കുന്നത്. ദിവ്യാ പിളള, പി. ബാലചന്ദ്രന്, രേഖ, സന്തോഷ് കീഴാറ്റൂര്, നിര്മല് പാലാഴി, ശങ്കര് ഇന്ദുചൂഡന്, ശാലു റഹിം തുടങ്ങിയവരാണ് മറ്റു പ്രധാന താരങ്ങള്.