മികച്ച അഭിപ്രായങ്ങളുമായി മുന്നേറുന്ന “കപ്പേള” സിനിമയുടെ തെലുങ്ക് പര്പ്പവകാശം സ്വന്തമാക്കി സിതാര എന്റര്ടെയിന്മെന്റ്സ്. അല്ലു അര്ജ്ജുന്റെ ഹിറ്റ് ചിത്രം “അല വൈകുണ്ഠപുരമുലോ”, “ജെഴ്സി” തുടങ്ങിയ ചിത്രങ്ങള് ഒരുക്കിയ നിര്മ്മാണക്കമ്പനിയാണ് സിതാര എന്റര്ടെയിന്മെന്റ്സ്.
ഇതോടെ സിതാര എന്റര്ടെയിന്മെന്റ്സ് പര്പ്പവകാശം നേടിയ മൂന്നാമത്തെ മലയാള ചിത്രമായിരിക്കുകയാണ് കപ്പേള. “പ്രേമം”, “അയ്യപ്പനും കോശിയും” എന്നിവയാണ് മുമ്പ് സിതാര എന്റര്ടെയിന്മെന്റ്സ് പകര്പ്പവകാശം സ്വന്തമാക്കിയ മറ്റു മലയാള ചിത്രങ്ങള്.
നടനും ദേശീയ പുരസ്ക്കാര ജേതാവുമായ മുഹമ്മദ് മുസ്തഫ ആദ്യമായി സംവിധാനം ചെയ്ത ചിത്രമാണ് കപ്പേള. കഥാസ് അണ്ടോള്ഡിന്റെ ബാനറില് വിഷ്ണു വേണുവാണ് നിര്മ്മാണം. അന്ന ബെന്, ശ്രീനാഥ് ഭാസി, റോഷന് മാത്യു എന്നിവര് കേന്ദ്ര കഥാപാത്രങ്ങളായ ചിത്രം മാര്ച്ച് 6ന് തിയെറ്ററുകളില് എത്തിയിരുന്നെങ്കിലും കോവിഡ് വ്യാപനം മൂലം പിന് വലിക്കുകയായിരുന്നു. ജൂണ് 22നാണ് നെറ്റ്ഫ്ളിക്സില് സ്ട്രീമിംഗ് ആരംഭിച്ചത്.
https://www.facebook.com/VishnuUshaVenu/posts/3165071733585204