നേര്കൊണ്ട പാര്വൈ, വിക്രം വേദ, കാട്ര് വെളിയിടെ എന്നീ സിനിമകളിലൂടെ പ്രേക്ഷകര്ക്ക് സുപരിചിതയായ താരമാണ് ശ്രദ്ധ ശ്രീനാഥ്. ഇന്സ്റ്റഗ്രാമില് ശ്രദ്ധ പങ്കുവെച്ച കുറിപ്പാണ് സോഷ്യല് മീഡിയയില് വൈറലാകുന്നത്. പതിനാലാം വയസില് പൂജയ്ക്കിടെ ആര്ത്തവം ഉണ്ടായതിനെ തുടര്ന്ന് ഫെമിനിസ്റ്റും നിരീശ്വരവാദിയും ആയതിനെ കുറിച്ചാണ് നടി കുറിച്ചിരിക്കുന്നത്.
ശ്രദ്ധ ശ്രീനാഥിന്റെ കുറിപ്പ്:
എനിക്ക് പതിനാല് വയസായിരുന്നു. ഞാന് കുടുംബത്തില് നടന്ന പൂജയില് പങ്കെടുക്കുമ്പോഴാണ് എനിക്ക് ആര്ത്തവം ഉണ്ടാകുന്നത്. എന്റെ അമ്മ എന്നോടൊപ്പം ഉണ്ടായിരുന്നില്ല. അതുകൊണ്ട് എന്റെ അടുത്തിരുന്ന ഒരു ആന്റിയെ തട്ടിവിളിച്ച് വിഷമത്തോടെ ഇക്കാര്യം അറിയിച്ചു. കാരണം ഞാന് സാനിറ്ററി പാഡ് കയ്യില് കരുതിയിരുന്നില്ല.
ഞങ്ങളുടെ അടുത്തിരുന്ന മറ്റൊരു സ്ത്രീ എന്റെ സങ്കടത്തോടെയുള്ള മുഖം കണ്ടും ഞാന് പറഞ്ഞ കാര്യം കേട്ടും എന്നെ ആശ്വസിപ്പിക്കുന്ന വിധത്തില് പറഞ്ഞു വിഷമിക്കേണ്ട മോളേ, ദൈവം നിന്നോട് ക്ഷമിക്കും…(പൂജയുടെ സമയത്ത് ആര്ത്തവം ഉണ്ടായതിന്). ആ ദിവസമായിരുന്നു ഞാന് ഫെമിനിസ്റ്റും നിരീശ്വരവാദിയും ആയി മാറിയത്. എനിക്ക് പതിനാല് വയസായിരുന്നു…
https://www.instagram.com/p/CAzYujDlk6l/