തമിഴ് താരം തല അജിത്ത് സോഷ്യല്മീഡിയയില് അത്ര സജീവമല്ല, അദ്ദേഹത്തിന്റെ ഭാര്യയായ ശാലിനിയും അങ്ങനെ തന്നെ. ഇപ്പോഴിതാ ശാലിനി ആദ്യമായി ഇന്സ്റ്റഗ്രാമിലേക്ക് എത്തിയിരിക്കുകയാണ്. ആകെ രണ്ടു ചിത്രങ്ങളാണ് താരം പോസ്റ്റ് ചെയ്തിട്ടുള്ളത്. ലണ്ടനിലെ അവധി ആഘോഷത്തിനിടെ അജിത്തിനൊപ്പം നില്ക്കുന്ന ശാലിനിയെ ചിത്രത്തില് കാണാം.
ശാലിനിയുടെ പേരില് സോഷ്യല്മീഡിയയില് നിരവധി വ്യാജ അക്കൗണ്ടുകളാണുള്ളത്. തന്റെ യഥാര്ഥ അക്കൗണ്ടിന്റെ സ്ക്രീന് ഷോട്ട് അടക്കം പങ്കുവച്ചാണ് ശ്യാമിലി ശാലിനിയുടെ ഇന്സ്റ്റഗ്രാം വരവിനെക്കുറിച്ച് ആരാധകരെ അറിയിച്ചത്. shaliniajithkumar2022 എന്ന പേരിലുള്ള അക്കൗണ്ടില് ഇതുവരെ ഒരുലക്ഷം ഫോളോവേഴ്സ് ആണ് ഉള്ളത്.
അജിത്തിന്റെ ഭാര്യയായ ശേഷം സിനിമാലോകത്തുനിന്ന് ശാലിനി അജിത് കുമാര് ഇടവേളയെടുത്തിരുന്നു. പിന്നീട് പൊതുവേദികളില് ഒന്നും ശാലിനിയെ കണ്ടിരുന്നില്ല. സോഷ്യല് മീഡിയയില് പോലും നടി സജീവമല്ലാതായി എന്നാല് അനുജത്തി ശ്യാമിലിയുടെ അക്കൗണ്ടിലൂടെ ശാലിനിയുടെയും മക്കളായ അനൗഷ്കയുടെയും അദ്വൈതിന്റെയും വിശേഷങ്ങള് ആരാധകര് അറിഞ്ഞിരുന്നു.
ശാലിനി തന്റെ ഔദ്യോഗിക ഇന്സ്റ്റഗ്രാം അക്കൗണ്ടുമായി എത്തുമ്പോള് ഏറ്റെടുത്തിരിക്കുകയാണ് അജിത് ആരാധകരും .