ജൂഡ് ആന്റണി സംവിധാനം ചെയ്യുന്ന “സാറാസ്” ചിത്രത്തില് വിനീത് ശ്രീനിവാസനും ഭാര്യ ദിവ്യ വിനീതും ചേര്ന്ന് ആലപിച്ച ഗാനം പുറത്ത്. വിനീതും ദിവ്യയും ആദ്യമായി ഒന്നിച്ച് ആലപിക്കുന്ന ഗാനമാണിത്. “”വരവായി നീ എന് ജീവനില്”” എന്ന് തുടങ്ങുന്ന ഗാനമാണ് പുറത്തെത്തിയിരിക്കുന്നത്.
ജോ പോളിന്റെ വരികള്ക്ക് ഷാന് റഹ്മാന് ആണ് സംഗീതം നല്കിയിരിക്കുന്നത്. അന്ന ബെന്നും സണ്ണി വെയ്നും കേന്ദ്ര കഥാപാത്രങ്ങളായി എത്തുന്ന ചിത്രം ആമസോണ് പ്രൈമിലാണ് റിലീസ് ചെയ്യുന്നത്. ജൂലൈ 5ന് ചിത്രം റിലീസ് ചെയ്യും. അന്നയുടെ പിതാവും തിരക്കഥാകൃത്തുമായ ബെന്നി പി. നായരമ്പലവും ചിത്രത്തില് അഭിനയിക്കുന്നു എന്ന പ്രത്യേകതയും സിനിമയ്ക്കുണ്ട്.
വിനീത് ശ്രീനിവാസന്, അജു വര്ഗീസ്, സിജു വില്സണ്, ശ്രിന്ദ, പ്രശാന്ത്, ധന്യ വര്മ്മ എന്നിവരും ചിത്രത്തില് വേഷമിടുന്നു. കോവിഡ് കാലത്ത് ഏറെ വെല്ലുവിളി നിറഞ്ഞ പശ്ചാത്തലത്തിലാണ് സാറാസ് പൂര്ത്തിയാക്കിയത് എന്ന് ജൂഡ് ആന്റണി പറഞ്ഞിരുന്നു. നൂറോളം ജൂനിയര് ആര്ട്ടിസ്റ്റുകള് തന്നെ ചിത്രത്തില് വേഷമിടുന്നുണ്ട്.
38 ലൊക്കേഷനുകളിലായാണ് ചിത്രത്തിന്റെ ഷൂട്ടിംഗ് നടന്നത്. ഡോ. അക്ഷയ് ഹരീഷിന്റേതാണ് തിരക്കഥ. ഛായാഗ്രഹണം നിമിഷ് രവി. ക്ലാസ്മേറ്റ്സ് അടക്കം മലയാളത്തിലെ നിരവധി ഹിറ്റുകള് സമ്മാനിച്ച നിര്മ്മാതാവ് ശാന്ത മുരളിയും പി.കെ മുരളീധരനുമാണ് ചിത്രം നിര്മ്മിക്കുന്നത്.