മുണ്ടുടുത്ത് നൃത്തച്ചുവടുകളുമായി സല്മാന് ഖാനെത്തിയ വീഡിയോ ഗാനം വൈറലാകുന്നു തെലുങ്ക് താരം വെങ്കിടേഷും സല്മാനൊപ്പം ചുവടുവെച്ചിട്ടുണ്ട്. പാട്ടിന്റെ അവസാന ഭാഗത്ത് രാംചരണിന്റെ എന്ട്രിയുമുണ്ട്.
സല്മാന് ഖാന് നായകനാകുന്ന കിസി കാ ഭായ് കിസി കി ജാന് എന്ന ചിത്രത്തിലെ ഗാനം ഒറ്റ ദിവസംകൊണ്ട് യുട്യൂബില് 17 മില്യണ് ആളുകളാണ് കണ്ടത്. പൂജ ഹെഗ്ഡെ ആണ് ചിത്രത്തിലെ നായിക. റൊമാന്റിക് ആക്ഷന് എന്റര്ടെയ്നറായി ഒരുങ്ങുന്ന ചിത്രം ഫര്ഹാദ് സാംജി ആണ് സവിധാനം.
ജഗപതി ബാബു, ഭൂമി ചൗള, വിജേന്ദര് സിംഗ്, അഭിമന്യു സിംഗ്, ജാസി ഗില് തുടങ്ങിയവരാണ് മറ്റു താരങ്ങള്. ഈദ് ദിനമായ ഏപ്രില് 21ന് ചിത്രം റിലീസ് ചെയ്യും.അതേസമയം
സല്മാന്ഖാന് ബിഗ് സ്ക്രീനിലേക്കുള്ള തിരിച്ചുവരവിനെ അടയാളപ്പെടുത്തുന്ന ചിത്രം കൂടിയാണ്. പത്താന്, തെലുങ്ക് ചിത്രമായ ഗോഡ്ഫാദര്, മറാത്തി ചിത്രമായ വേദ് എന്നിവയില് അതിഥി വേഷങ്ങളിലാണ് താരം പ്രത്യക്ഷപ്പെട്ടത്.