ബോക്സോഫീസില് കോടികള് വാരിക്കൂട്ടുകയാണ് പ്രഭാസിന്റെ “സാഹോ”. റിലീസ് ചെയ്ത് എട്ടാം ദിനത്തില് 370 കോടി നേട്ടത്തിലാണ് സാഹോ കുതിക്കുന്നത്. തെലുങ്ക്, ഹിന്ദി, തമിഴ്, മലയാളം എന്നീ ഭാഷകളിലായി റിലീസ് ചെയ്ത സാഹോ ഹിന്ദിയില് മാത്രം 116.03 കോടി കരസ്ഥമാക്കിയതായാണ് റിപ്പോര്ട്ടുകള്.
ട്രേഡ് അനലിസ്റ്റ് ജൊഗിന്ദര് ടുടേജയാണ് ഒരാഴ്ച കൊണ്ട് സാഹോ ഹിന്ദി ഭാഷയില് മാത്രം 116.03 കോടി നേടിയത് ട്വിറ്ററിലൂടെ അറിയിച്ചത്. “സാഹോ ഹിന്ദിയില് മികച്ച വിജയം കൈവരിച്ചു. 116.03 കോടി നേട്ടത്തില് ആദ്യ ആഴ്ച മിന്നിച്ചത്.., രണ്ടാമത്തെ ആഴ്ചയിലും സൂപ്പര് ഹിറ്റാകും” എന്നാണ് ടുടേജ കുറിച്ചിരിക്കുന്നത്.
സുജീത്ത് സംവിധാനം ചെയ്ത ചിത്രം യുവി ക്രിയേഷന്സാണ് നിര്മ്മിച്ചിരിക്കുന്നത്. ചിത്രത്തിന്റെ ഛായാഗ്രഹണം ആര് മഥിയാണ്. ബോളിവുഡ് താരം ശ്രദ്ധ കപൂറാണ് നായിക. ജാക്കി ഷ്രോഫ്, നീല് നിതിന് മുകേഷ്, മന്ദിര ബേദി, ചങ്കി പാണ്ഡേ, മഹേഷ് മഞ്ജറേക്കര്, അരുണ് വിജയ്, മുരളി ശര്മ എന്നിവര് പ്രധാന വേഷത്തിലെത്തുന്നു.