നടനും സംവിധായകനുമായ രൂപേഷ് പീതാംബരന് നായകനാകുന്ന “റഷ്യ” സിനിമയുടെ ഫസ്റ്റ്ലുക്ക് പോസ്റ്റര് പുറത്ത്. റഷ്യയില് നടന്ന യഥാര്ത്ഥ സംഭവത്തെ ആസ്പദമാക്കി ഒരുങ്ങുന്ന ചിത്രം നവാഗതനായ നിധിന് തോമസ് കുരിശിങ്കല് ആണ് തിരക്കഥയെഴുതി സംവിധാനം ചെയ്യുന്നത്. മലയാളത്തിലെ പ്രശസ്ത താരങ്ങളുടെ ഫെയ്സ്ബുക്ക് പേജിലൂടെയാണ് റഷ്യയുടെ ഫസ്റ്റ്ലുക്ക് റിലീസ് ചെയ്തത്.
“ഉറങ്ങാനാവാത്ത 15 ദിനങ്ങള്” എന്ന ടാഗ് ലൈനോടെ എത്തുന്ന ചിത്രം ഉറക്കം നഷ്ടപ്പെട്ട് പോകുന്ന മനുഷ്യരുടെ ആന്തരികസംഘര്ഷമാണ് പറയുക. മലയാളസിനിമ ചരിത്രത്തില് ഇതുവരെ ആവിഷ്കരിക്കാത്ത പ്രമേയമാണ് ചിത്രത്തിന്റേത്.
ഗോപിക അനില്, ആര്യ മണികണ്ഠന്, മെഹറലി പൊയ്ലുങ്ങല് ഇസ്മയില്, കോറിയോഗ്രാഫര് ശ്രീജിത്ത്, മോഡലായ അരുണ് സണ്ണി തുടങ്ങിയവരാണ് ചിത്രത്തിലെ മറ്റ് അഭിനേതാക്കള്. ഒ.ടി.ടി പ്ലാറ്റ്ഫോമിലാണ് ചിത്രം റിലീസ് ചെയ്യാനൊരുങ്ങുന്നത്.
കുലു മിന ഫിലിംസിന്റെ ബാനറില് മെഹറലി പൊയ്ലുങ്ങള് ഇസ്മയില്, റോംസണ് തോമസ് കുരിശിങ്കല് എന്നിവര് ചേര്ന്നാണ് റഷ്യ നിര്മ്മിക്കുന്നത്. മിജോ ജോസഫ്, ഡാലി നിധിന്, സിജോ തോമസ്, ഫെറിക് ഫ്രാന്സിസ് പെട്രോപില്, ടിന്റോ തോമസ് തളിയത്ത് എന്നിവരും നിര്മ്മാണ സഹായികളാണ്.