കോവിഡ് വ്യാപനത്തെ തുടര്ന്ന് ഷൂട്ടിംഗ് നിലച്ചതോടെ രണ്ടു മാസത്തോളം വീടുകളില് തന്നെ ചിലവഴിച്ചതിനെ കുറിച്ചുള്ള പോസ്റ്റുകളുമായി സിനിമാതാരങ്ങള് എത്താറുണ്ട്. അത്തരത്തിലൊരു പോസ്റ്റാണ് തെലുങ്ക് താരം രശ്മിക മന്ദാനയും പങ്കുവച്ചിരിക്കുന്നത്. പതിനെട്ടാം വയസില് ആരംഭിച്ച മാരത്തോണിനെ കുറിച്ചാണ് രശ്മിക കുറിപ്പ് പങ്കുവച്ചിരിക്കുന്നത്.
രശ്മിക മന്ദാനയുടെ കുറിപ്പ്:
പതിനെട്ട് വയസിനു ശേഷം ജീവിതം ഒരു മാരത്തോണ് പോലെയായിരുന്നു. ഒരിക്കലും അവസാനിക്കാത്ത പോലെ ഒന്ന്. അവസാന വര എത്തിയെന്ന് ആലോചിക്കുമ്പോഴേക്കും വീണ്ടും ഓട്ടം തുടങ്ങേണ്ടി വരും. ഞാന് പരാതി പറയുകയല്ല, ഇത് തന്നെയായിരുന്നു എനിക്ക് വേണ്ടിയിരുന്നതും. ഇത്രയും കാലം അടുപ്പിച്ച വീട്ടില് ഞാന് ഇതുവരെ കഴിഞ്ഞിട്ടില്ല. സ്കൂള് കാലം മുതല് ഉന്നതവിദ്യാഭ്യാസ കാലഘട്ടം വരെ ഞാന് ഹോസ്റ്റലിലായിരുന്നു.
എന്റെ മാതാപിതാക്കള് വളരെ കാര്ക്കശ്യക്കാരായതിനാലാകണം ഞാനും ആ കാലത്ത് റിബല് ആയതെന്ന് ചിന്തിക്കാറുണ്ട്. സിനിമ ചിത്രീകരണം നടക്കുമ്പോള് സെറ്റുകളില് അമ്മയും ഉണ്ടായ ദിവസങ്ങളുണ്ട്. അച്ഛനും ചില സമയങ്ങളില് ഒപ്പം സമയം ചിലവഴിക്കാറുണ്ട്. സഹോദരി എപ്പോഴും അവളുടെ എല്ലാക്കാര്യത്തിലും ഒപ്പം ഉണ്ടാകാന് ശ്രമിക്കാറുണ്ട്. ഇപ്പോഴത്തെ ലോക്ക് ഡൗണില് രണ്ട് മാസത്തിലധികമാണ് വീട്ടിലുണ്ടായത്. ജോലിയെക്കുറിച്ച് സംസാരിക്കേണ്ടാത്ത, എന്നെ എല്ലാവരും കെയര് ചെയ്യുന്ന കാലമാണ് അത് എന്നതാണ് പ്രധാനം.
എല്ലാത്തിനെയും കൈകാര്യം ചെയ്യാനുള്ള കരുത്ത് അവര് എനിക്ക് തന്നു. എന്റെ സന്തോഷകമായ സ്ഥലമാണ് ഇത്. ഇങ്ങനെ ശാന്തതയോടെയും സന്തോഷത്തോടെയും വീട്ടില് കുറെക്കാലം കഴിയാനാകുമെന്ന് കരുതിയിരുന്നതേയില്ല. കുറെക്കാലത്തെ ജോലി കഴിഞ്ഞ് വീട്ടില് തിരിച്ചെത്തി സന്തോഷത്തോടെ കഴിയാന് പറ്റുമെങ്കില് നിങ്ങള് ഭാഗ്യവാനാണ്.
https://www.instagram.com/p/CAvVRo7JlCj/