നടന് രമേശ് വലിയശാലയുടെ മരണത്തില് മനപൂര്വ്വം ദുരൂഹത സൃഷ്ടിക്കുന്ന വ്യാജ വാര്ത്തകള്ക്കെതിരെ അദ്ദേഹത്തിന്റെ മകള് എം.എസ് ശ്രുതി. നിലവില് പ്രചരിച്ചു കൊണ്ടിരിക്കുന്ന വ്യാജ വാര്ത്തകള്ക്ക് വിശദീകരണം നല്കി കൊണ്ടാണ് ശ്രുതിയുടെ കുറിപ്പ്. കള്ളം പറയുന്നവര്ക്ക് അതു കൊണ്ട് എന്താണ് കിട്ടുന്നതെന്ന് ചോദിച്ച ശ്രുതി വ്യാജ വാര്ത്തകള് പ്രചരിപ്പിക്കുന്നത് അവസാനിപ്പിക്കണമെന്നും കുറിച്ചു.
ശ്രുതിയുടെ കുറിപ്പ്:
എന്റെ പേര് ശ്രുതി എം.എസ്. ഞാന് വലിയശാല രമേശിന്റെ മകളാണ്. അച്ഛന് മരിക്കുന്നതിന്റെ തലേന്നു രാത്രി ഞങ്ങള് വളരെ സന്തോഷത്തോടെ പോയപ്പോള് എടുത്ത വിവാഹ പാര്ട്ടിയുടെ ചിത്രമാണ് ഞാന് ഷെയര് ചെയ്തിരിക്കുന്നത്. ബന്ധുക്കള് പറയുന്നത് അച്ഛന് മരിക്കുന്നതിന്റെ തലേന്നുതൊട്ടേ ഇവിടെ ബഹളമുണ്ടായി എന്നാണ്. വീട്ടില് ഇല്ലായിരുന്ന ഞങ്ങള് എങ്ങനെയാണ് ബഹളം ഉണ്ടാക്കുന്നത്. ഒരു കോമണ് സെന്സ് ഉള്ള ആളുകള് ആണേല് ചിന്തിക്കൂ…ദയവായി.
അച്ഛന്റെ മൃതശരീരം കൊണ്ടുവന്ന് പോലുമില്ല. അതിനു മുമ്പേ തന്നെ അച്ഛന്റെ ആദ്യ ഭാര്യയുടെ ബന്ധുക്കള് ചേട്ടന്റെ ഭാര്യ വീട്ടിലെ ബന്ധുക്കള് ഓരോ വ്യാജവാര്ത്ത ഇറക്കുകയാണ്. ഇവര് ആരും അച്ഛന്റെ ബന്ധുക്കള് അല്ല, അച്ഛന്റെ ബന്ധുക്കള് കൊച്ചിയിലാണ് താമസം. അച്ഛന് ഒരു ചേട്ടനാണ് ഉള്ളത്. അവര് ഞങ്ങളെ പറ്റി ഒരു കുറ്റവും പറഞ്ഞിട്ടില്ല. അപ്പോള് നിങ്ങള്ക്ക് മനസിലായി കാണും ഗോകുല് രമേശിന്റെ ഭാര്യ വീട്ടുകാരും അച്ഛന്റെ ആദ്യ ഭാര്യയുടെ വീട്ടിലെ ബന്ധുക്കളും എന്തിനാണ് ഈ വ്യാജവാര്ത്ത ഉണ്ടാക്കുന്നതെന്ന്.
നിങ്ങള്ക്ക് എന്തെങ്കിലും വേണമെങ്കില് എടുത്തുകൊണ്ട് പോയ്ക്കോളൂ. മൃതശരീരം വരുന്നതിനു മുമ്പേ തന്നെ പലതും പിടിച്ചടക്കാനുള്ള മനസ്. എന്തേലും ഉണ്ടേല് എന്നോടാണ് ചോദിക്കാനുള്ളത്. ഞാനാണ് ആദ്യം കണ്ടത്. ഒന്നും അറിയാന് താല്പര്യമില്ലാത്ത ആളുകള് ചോദിക്കില്ല. അവര്ക്ക് ഇപ്പോള് ഇറങ്ങിയ ന്യൂസ് പോലെ സ്വത്തുക്കളോട് ആകും താല്പര്യം.
എനിക്ക് പ്രതികരിക്കാന് പറ്റാത്ത അവസ്ഥയായിപ്പോയി. ഞങ്ങള് ഒരു റൂമില് ആണ്. പുറംലോകം കണ്ടിട്ട് കുറച്ച് നാളായി. ഞങ്ങള്ക്ക് നീതിവേണം. വ്യാജവാര്ത്ത ഉണ്ടാക്കുന്നത് നിര്ത്തൂ, കള്ളങ്ങള് പറയുമ്പോള് നിങ്ങള്ക്ക് എന്താണ് കിട്ടുന്നത്. നിങ്ങള്ക്കും ഭാര്യയും മക്കളും ഉള്ളതല്ലേ.