രജനീകാന്ത് നായകനായെത്തുന്ന “ദര്ബാറി”ന്റെ ഫസ്റ്റ് ലുക്ക് പോസ്റ്റര് റിലീസായി. എ. ആര്. മുരുഗദോസ് സംവിധാനം ചെയ്യുന്ന ദര്ബാറില് നയന്താരയാണ് നായിക. എ ആര് മുരുഗദോസും രജനീകാന്തും ആദ്യമായി ഒന്നിക്കുകയാണ്.
രജനീകാന്തും നയന്താരയും ഒരുമിച്ചു വരുന്ന നാലാം ചിത്രം കൂടിയാണ് ദര്ബാര്. “ചന്ദ്രമുഖി”, “കുശേലന്”, “ശിവജി” എന്നീ ചിത്രങ്ങള്ക്കു ശേഷം നയന്താര തലൈവര്ക്ക് ഒപ്പം അഭിനയിക്കുന്ന ചിത്രമെന്ന പ്രത്യേകതയും “ദര്ബാറി”നുണ്ട്.
“സര്ക്കാറി”നു ശേഷം മുരുഗദോസ് സംവിധാനം ചെയ്യുന്ന് ചിത്രം കൂടിയാണ് “ദര്ബാര്”. ലൈക പ്രൊഡക്ഷന്സ് ആണ് ചിത്രം നിര്മ്മിക്കുന്നത്. രജനീകാന്തിന്റെ ബ്രഹ്മാണ്ഡ ചിത്രം “2.0”ന്റെ നിര്മ്മാതാക്കളും ലൈക പ്രൊഡക്ഷന്സ് ആയിരുന്നു.
മുരുഗദോസിന്റെ “കത്തി” (2014) എന്ന ചിത്രം നിര്മ്മിച്ചു കൊണ്ട് നിര്മ്മാണരംഗത്തേക്ക് കടന്നുവന്ന ലൈക പ്രൊഡക്ഷന്സ് വീണ്ടും മുരുഗദോസുമായി കൈകോര്ക്കുകയാണ്.
എസ് ജെ സൂര്യയും ചിത്രത്തിലുണ്ടെന്നു റിപ്പോര്ട്ടുകളുണ്ടായിരുന്നു. എന്നാല് ഇതിലെ താരങ്ങളെ കുറിച്ച് പുറത്തുവരുന്ന തെറ്റായ റിപ്പോര്ട്ടുകള് പ്രചരിപ്പിക്കരുതെന്ന് രജനീകാന്തുമായി ബന്ധപ്പെട്ട വൃത്തങ്ങള് ട്വീറ്റ് ചെയ്തിരുന്നു.