1984-ലെ കട ഉദ്ഘാടനത്തിന്റെ പത്രപ്പരസ്യം പങ്കുവെച്ച് നടന് റഹമാന്. 36 വര്ഷം മുമ്പ് തന്റെ പേരില് വന്ന കട ഉദ്ഘാടനത്തിന്റെ പത്രപ്പരസ്യമാണ് റഹമാന് ലോക്ഡൗണിനിടെ പങ്കുവെച്ചിരിക്കുന്നത്. തിരുവനന്തപുരം ചാലയില് പുതുതായി ആരംഭിച്ച ഒരു വസ്ത്രശാലയുടെ ഉദ്ഘാടനത്തിന്റേതാണ് പരസ്യം.
ആദ്യചിത്രമായ “കൂടെവിടെ” റിലീസായതിന്റെ അടുത്ത വര്ഷം റഹമാന് പങ്കെടുത്ത ഒരു ഉദ്ഘാടന ചടങ്ങിന്റേതാണിത്. 1984 ഓഗസ്റ്റ് 17-നാണ് ഉദ്ഘാടനമെന്നും ചടങ്ങ് നിര്വഹിക്കുന്നത് പ്രസിദ്ധ സിനിമാനടന് റഹമാന് ആണെന്നും പരസ്യത്തില് പറയുന്നു. ഒപ്പം റഹമാന്റെ ഒരു പാസ്പോര്ട്ട് സൈസ് ചിത്രവുമുണ്ട്.
ഇതോടെ രസകരമായ കമന്റുകളുമായി ആരാധകരും എത്തി. അന്ന് ഉദ്ഘാടനം ചെയ്ത സുപ്രീം ഡ്രസസ് ഇപ്പോഴുമുണ്ടെന്നും ഉടന് തന്നെ അതിന്റെ പുനര്നിര്മ്മാണം ഉണ്ടാകുമെന്നുമാണ് ആരാധകരുടെ കമന്റുകള്.