സൂപ്പര്ഹിറ്റ് ചിത്രം “ചന്ദ്രമുഖി”യുടെ സീക്വല് ഒരുക്കുമെന്ന് നടനും സംവിധായകനുമായ രാഘവ ലോറന്സ് ഏപ്രിലിലാണ് ഫെയ്സ്ബുക്കിലൂടെ വ്യക്തമാക്കിയത്. ചന്ദ്രമുഖിയില് രജനികാന്ത് അവതരിപ്പിച്ച വേഷം ചന്ദ്രമുഖി 2വില് രാഘവ ലോറന്സ് അവതരിപ്പിക്കുമെന്ന് സ്ഥിരീകരിച്ച് സംവിധായകന് പി വാസു.
രജനികാന്ത് അവതരിപ്പിച്ച വെട്ടയ്യന് രാജാവ് എന്ന വേഷമാണ് രാഘവ ലോറന്സ് ചന്ദ്രമുഖി 2വില് അവതരിപ്പിക്കുക എന്നാണ് ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നത്. വെട്ടയ്യന്റെയും ചന്ദ്രമുഖിയുടെയും ജീവിതമാകും ചിത്രത്തിനാധാരം എന്നാണ് റിപ്പോര്ട്ടുകള്.
ചിത്രത്തില് രജനികാന്ത് ഉണ്ടാവില്ലെന്ന അഭ്യൂഹങ്ങളുമുണ്ട്. 2005ല് പുറത്തിറങ്ങിയ തമിഴ് ഹൊറര് കോമഡി ചിത്രമാണ് ചന്ദ്രമുഖി. പ്രഭു, ജ്യോതിക, വടുവേലു എന്നിവരാണ് മറ്റ് പ്രധാന താരങ്ങള്.