ആദ്യ ദിനം വിമർശനങ്ങൾ കേട്ടെങ്കിലും കളക്ഷൻ റെക്കോഡുകൾ തകർത്തിരിക്കുകയാണ് അല്ലു അർജുൻ നായകനായി എത്തിയ ‘പുഷ്പ 2: ദി റൂൾ’. റിലീസ് ചെയ്ത് പത്തു ദിവസം പിന്നിടുമ്പോൾ പുഷ്പ 2, ആഗോള കളക്ഷൻ 1190 കോടി പിന്നിട്ടതായാണ് റിപ്പോർട്ട്. ഇതോടെ ആഗോളകളക്ഷൻ ഏറ്റവും വേഗത്തിൽ മറികടക്കുന്ന ഇന്ത്യൻ സിനിമയെന്ന റെക്കോഡും ചിത്രം സ്വന്തമാക്കി.
ഇതിന് മുൻപ് ബാഹുബലി 2 ആയിരുന്നു ഈ റെക്കോർഡ് സ്വന്തമാക്കിയിരുന്നത്. 11 ദിവസം കൊണ്ടാണ് ചിത്രം ആയിരം കോടി രൂപയുടെ ആഗോള കളക്ഷൻ പിന്നിട്ടത്. എന്നാൽ വെറും ആറുദിവസം കൊണ്ടാണ് ‘പുഷ്പ 2: ദി റൂൾ’ ആയിരം കോടിയെന്ന നേട്ടം സ്വന്തമാക്കിയിരിക്കുന്നത് എന്നാണ് റിപോർട്ടുകൾ പറയുന്നത്.
സുകുമാർ സംവിധാനം ചെയ്ത് മൈത്രി മൂവി മേക്കേഴ്സ് നിർമ്മിച്ച ഈ ചിത്രത്തിൽ അല്ലു അർജുൻ, രശ്മിക മന്ദന്ന, ഫഹദ് ഫാസിൽ എന്നിവർ യഥാക്രമം പുഷ്പ രാജ്, ശ്രീവല്ലി, ഭൻവർ സിംഗ് ഷെകാവത്ത് എന്നിവരെ അവതരിപ്പിച്ചിരിക്കുന്നത്.
അല്ലു അർജുന് മികച്ച നടനുള്ള ദേശീയ പുരസ്കാരം നേടി കൊടുത്ത പുഷ്പരാജ് എന്ന കഥപാത്രത്തിന്റെ രണ്ടാം വരവ് സിനിമാലോകം ആഘോഷമാക്കിയിരിക്കുകയാണ്. ശ്രീവല്ലി എന്ന നായിക കഥാപാത്രമായാണ് രശ്മിക ചിത്രത്തിൽ വേഷമിടുന്നത്. ഭൻവർ സിംഗ് ഷെഖാവത്ത് എന്ന പൊലീസ് കഥാപാത്രമായാണ് ഫഹദ് ചിത്രത്തിൽ വേഷമിടുന്നത്.