സൂപ്പര്ഹിറ്റ് ചിത്രം ലൂസിഫറിന്റെ രണ്ടാം ഭാഗമായ ‘എമ്പുരാന്’ സിനിമയിലെ കഥാപാത്രങ്ങളെ ഓരോ ദിവസവും സോഷ്യല് മീഡിയയിലൂടെ പരിചയപ്പെടുത്തി കൊണ്ടിരിക്കുകയാണ് പൃഥ്വിരാജും ടീമും. എംപുരാനിൽ നെടുമ്പള്ളി അച്ചൻ എന്ന കഥാപാത്രമായി ഫാസിലും എത്തുന്നുണ്ട്. അദ്ദേഹത്തിന്റെ കഥാപാത്രത്തെ പരിചയപ്പെടുത്തുന്ന കാരക്ടര് റിവീല് വീഡിയോ പുറത്തിറക്കിയിരിക്കുകയാണ് അണിയറപ്രവര്ത്തകര്.
എംപുരാനില് റോള് ഉണ്ടെന്ന് അറിഞ്ഞപ്പോള് അത് ചെയ്യാതിരിക്കാന് പറ്റില്ല. കാരണം ലൂസിഫറില് തന്നെ പൃഥ്വിരാജ് എന്ന് പറയുന്ന സംവിധായക പ്രതിഭയെ കുറിച്ച് ഞാന് മനസിലാക്കിയിരുന്നു. ഞാനും ഒരു സംവിധായകൻ ആണല്ലോ.. പൃഥ്വിരാജ് എന്ത് ആവശ്യപ്പെടുന്നുവോ അത് നേടിയിരിക്കും. കാര്യം 40 ഓളം കഥാപാത്രങ്ങളുള്ള പടമാണ്. ഒരു പ്രത്യേക കഥാപാത്രം ഞാന് ചെയ്യണമെന്ന് തീരുമാനിച്ചു കഴിഞ്ഞാൽ അതിന് പൃഥ്വിരാജ് ഏതറ്റംവരെയും പോവും’ എന്നാണ് ഫാസില് പറഞ്ഞത്.
പൃഥ്വിരാജ് മിടുക്കനായ കാസ്റ്റിങ് ഡയറക്ടറാണെന്നും അഭിനയത്തെ കുറിച്ച് വളരെ ആഴത്തില് അറിവുള്ളയാളാണെന്നും ഫാസില് പറയുന്നു. എംപുരാന്റെ ഡബ്ബിങ്ങിനായി എത്തിയപ്പോള് ഫാദര് നെടുമ്പള്ളിയായി തന്നെ തിരഞ്ഞെടുത്തതില് പൃഥ്വിരാജിനോട് നന്ദി പോലും പറയണമെന്ന് തോന്നിയെന്നും ഫാസില് പറഞ്ഞു.