ഭാര്യയെ പേടിപ്പിക്കാന് ശ്രമിച്ചതിനിടെയാണ് നടന് സമ്പത്ത് ജെ റാമിന് ജീവന് നഷ്ടമായതെന്ന് അടുത്ത സുഹൃത്തും നടനുമായ രാജേഷ് ധ്രുവ്. ഏപ്രില് 22ന് ആണ് കന്നഡ നടന് സമ്പത്തിനെ വീട്ടില് തൂങ്ങി മരിച്ച നിലയില് കണ്ടെത്തിയത്. സംഭവത്തില് പൊലീസ് അന്വേഷണം നടക്കുകയാണ്.
ഇതിനിടെയാണ് രാജേഷ് ധ്രുവിന്റെ വെളിപ്പെടുത്തല്. ഭാര്യയെ പേടിപ്പിക്കാനായിരുന്നു സമ്പത്തിന്റെ ശ്രമമെന്നും ഇതിനിടയില് ജീവന് നഷ്ടപ്പെട്ടതാണ് എന്നാണ് ഇന്സ്റ്റഗ്രാമില് പങ്കുവച്ച വീഡിയോയില് രാജേഷിന്റെ വെളിപ്പെടുത്തിയിരിക്കുന്നത്.
ഭാര്യയെ പേടിപ്പിക്കാനുള്ള പ്രാങ്കില് സമ്പത്തിന് ജീവന് നഷ്ടപ്പെട്ടതാണ്. സമ്പത്ത് മരിക്കുന്നതിന് മുമ്പ് ആ രാത്രിയില് ഭാര്യയുമായി വഴക്കിട്ടിരുന്നു. ഇതിന് ശേഷം ഭാര്യയെ പേടിപ്പിക്കാന് തൂങ്ങിമരിക്കുന്നതായി അഭിനയിക്കുന്നതിനിടയില് ജീവന് നഷ്ടപ്പെടുകയായിരുന്നു എന്നാണ് രാജേഷ് ധ്രുവ് പറയുന്നത്.
സമ്പത്തിന്റെ മരണത്തില് വ്യാജ വാര്ത്തകള് പ്രചരിപ്പിക്കരുതെന്നും ധ്രുവ് അഭ്യര്ത്ഥിച്ചു. ഭാര്യ അഞ്ച് മാസം ഗര്ഭിണിയായിരിക്കേയാണ് സമ്പത്തിന്റെ അപ്രതീക്ഷിതമായ വിയോഗം. അഗ്നിസാക്ഷി, ശ്രീ ബാലാജി ഫോട്ടോ സ്റ്റുഡിയോ തുടങ്ങി നിരവധി ശ്രദ്ധേയ സീരിയലുകളിലൂടെ ശ്രദ്ധേയനാ നടനാണ് സമ്പത്ത്.