മോഹന്ലാലിന്റെ ‘നേര്’ ചിത്രത്തിനൊപ്പമാണ് പ്രഭാസ് ചിത്രം സലാറും തിയേറ്ററുകളില് എത്തുന്നത്. സലാറിന് ചെക്ക് വച്ചു കൊണ്ടാണ് നേര് ഡിസംബര് 21ന് പ്രഖ്യാപിച്ചത്. ഡിസംബര് 22ന് ആണ് സലാര് തിയേറ്ററുകളില് എത്തുന്നത്. നേരിന് ഭീഷണിയാകും സലാര് എന്ന റിപ്പോര്ട്ടുകളാണ് ഇപ്പോള് പുറത്തു വരുന്നത്.
സലാറില് പൃഥ്വിരാജും പ്രധാന വേഷത്തിലെത്തുന്നുണ്ട്. കേരളത്തിലും സലാറിന്റെ നിരവധി ഫാന്സ് ഷോകള് സംഘടിപ്പിക്കുന്നു എന്നതാണ് പുതിയ റിപ്പോര്ട്ടുകള് സൂചിപ്പിക്കുന്നത്. കേരളത്തില് പ്രഭാസിന്റെ സലാറിന്റെ ഫാന്സ് ഷോ സംഘടിപ്പിക്കാന് ഓള് കേരള പൃഥ്വിരാജ് ഫാന്സ് ആന്ഡ് വെല്ഫെയര് അസോസിയേഷനാണ് മുന്കയ്യെടുക്കുന്നത്.
അസോസിയേഷന്റെ കോട്ടയം ജില്ലാ കമ്മിറ്റി ഷോ തീരുമാനിച്ചും കഴിഞ്ഞു. പൃഥ്വിരാജിന്റെ സലാര് കോട്ടയത്ത് അഭിലാഷ് തിയേറ്ററില് പ്രദര്ശിപ്പിക്കുമെന്ന് പ്രഖ്യാപിച്ചിട്ടുണ്ട് എന്ന് മാത്രമല്ല ടിക്കറ്റ് ബുക്കിംഗ് തുടങ്ങിയിട്ടുമുണ്ട് എന്നാണ് റിപ്പോര്ട്ടുകള്.
കേരളത്തില് നാല് മണിക്ക് ഫാന്സ് ഷോ സംഘടിപ്പിക്കാനാണ് തീരുമാനം. ഇക്കാര്യത്തില് ഔദ്യോഗിക സ്ഥിരീകരണമുണ്ടായിട്ടില്ല. ‘കെജിഎഫ്’ എന്ന ഹിറ്റ് ചിത്രത്തിന്റെ സംവിധായകന് പ്രശാന്ത് നീല് ആണ് സലാര് ഒരുക്കുന്നത് എന്നതിനാല് കേരളത്തില് ചിത്രത്തില് വലിയ സ്വീകാര്യത ലഭിക്കും.
ബാഹുബലിയും കെജിഎഫുമൊക്കെ കേരളത്തില് കളക്ഷന് റെക്കോര്ഡുകള് തീര്ത്തിരുന്നു. അതുകൊണ്ട് പ്രശാന്ത് നീലിന്റെ പ്രഭാസ് ചിത്രമായ സലാറിന്റെ ഹൈപ്പ് കൂട്ടുന്നുണ്ട്. ഹോംബാലെ ഫിലിസിന്റെ ബാനറില് ഒരുങ്ങുന്ന സലാറില് ശ്രുതി ഹാസന് ആണ് നായികയാകുന്നത്.