പ്രഭാസ് ചിത്രം സാഹോയുടെ റിലീസിന് ഏതാനും മണിക്കൂറുകള് മാത്രം ശേഷിക്കേ ആരാധകന് ദാരുണാന്ത്യം. തെലങ്കാനയിലാണ് സംഭവം. 18 വയസില് താഴെയുള്ള ആരാധകനാണ് മരണത്തിന് കീഴടങ്ങിയത്. പേര് പുറത്തുവിട്ടിട്ടില്ല. പ്രദേശിക മാധ്യമങ്ങളുടെ റിപ്പോര്ട്ട് പ്രകാരം വീടിന് സമീപത്തുള്ള തീയറ്ററില് ബാനര് വലിച്ചുകെട്ടാന് പോയതാണ് കുട്ടി.
ബാനര് കെട്ടുന്നതിന്റെ ഇടയ്ക്ക് വൈദ്യുതി കമ്പിയില് കൈതട്ടി വൈദ്യുതി ആഘാതമേറ്റാണ് കുട്ടി മരിച്ചത്. വൈദ്യുതി ആഘാതമേറ്റ് കെട്ടിടത്തിന്റെ മുകളില് നിന്നും താഴേക്ക് തെറിച്ച് വീഴുകയും ചെയ്തു.
ബാഹുബലിക്ക് ശേഷമിറങ്ങുന്ന പ്രഭാസ് ചിത്രമെന്ന നിലയില് വന് പ്രതീക്ഷയാണ് സാഹോയ്ക്കുള്ളത്. ശ്രദ്ധകപൂറാണ് നായിക. ശ്രദ്ധയ്ക്ക് പിന്നാലെ നീല് നിതിന് മുകേഷ്, ലാല്, ജാക്കി ഷെറഫ് എന്നിവരും സാഹോയില് വേഷമിടുന്നു.