“വെടിവഴിപാട്” ചിത്രത്തിന് ശേഷം ശംഭു പുരുഷോത്തമന് ഒരുക്കുന്ന “പാപം ചെയ്തവര് കല്ലെറിയട്ടെ”യുടെ ടീസര് ശ്രദ്ധേയമാകുന്നു. പുരുഷമേധാവിത്വത്തിന് എതിരെ സംസാരിക്കുന്ന ടീസറിന് വന്വരവേല്പ്പാണ് സോഷ്യല് മീഡിയയില് നിന്നും ലഭിക്കുന്നത്. അരുണ് കുര്യന്, ശാന്തി ബാലചന്ദ്രന് എന്നിവരാണ് ടീസറില് പ്രത്യക്ഷപ്പെടുന്നത്.
വിനയ് ഫോര്ട്ട് നായകനാകുന്ന ചിത്രത്തില് ശ്രിന്ദ, അനു മോള്, സൈജു കുറുപ്പ്, അലന്സിയര്, സുനില് സുഖദ, അരുണ് എന്നിവരും പ്രധാന വേഷത്തിലെത്തുന്നുണ്ട്. സ്പയര് പ്രൊഡക്ഷന്സിന്റെ ബാനറില് സഞ്ജു എസ്. ഉണ്ണിത്താനാണ് ചിത്രം നിര്മിക്കുന്നത്.
ജോമോന് തോമസ് ഛായാഗ്രഹണം നിര്വ്വഹിക്കുന്ന ചിത്രത്തിന് പ്രശാന്ത് പിള്ളയാണ് സംഗീതം ഒരുക്കുന്നത്. ഫെബ്രുവരി 21ന് ചിത്രം തിയേറ്ററുകളിലെത്തും.