മികച്ച പ്രതികരണങ്ങളുമായി പ്രദര്ശനം തുടരുകയാണ് ശംഭു പുരുഷോത്തമന് ചിത്രം “പാപം ചെയ്യാത്തവര് കല്ലെറിയട്ടെ”. വിനയ് ഫോര്ട്ട് നായകനായെത്തിയ ചിത്രത്തിന്റെ പ്രൊമോ ടീസര് റിലീസ് ചെയ്തിരിക്കുകയാണ് അണിയറപ്രവര്ത്തകര്. ഒരു സാമൂഹ്യ ആക്ഷേപഹാസ്യമായാണ് ചിത്രം എത്തിയിരിക്കുന്നത്.
ടിനിടോം, ശ്രിന്ദ, അനു മോള്, സൈജു കുറുപ്പ്, ശാന്തി ബാലചന്ദ്രന്, അലന്സിയര്, സുനില് സുഖദ, അരുണ് കുര്യന് എന്നിവരാണ് ചിത്രത്തിലെ മറ്റ് പ്രധാന താരങ്ങള്. 2013ല് പുറത്തെത്തിയ “വെടിവഴിപാടി”ന് ശേഷം ശംഭു പുരുഷോത്തമന് ഒരുക്കുന്ന ചിത്രമാണ് പാപം ചെയ്തവര് കല്ലെറിയട്ടെ.
സ്പയര് പ്രൊഡക്ഷന്സിന്റെ ബാനറില് സഞ്ജു എസ്. ഉണ്ണിത്താനാണ് ചിത്രം നിര്മിക്കുന്നത്. ജോമോന് തോമസ് ഛായാഗ്രഹണം നിര്വ്വഹിക്കുന്ന ചിത്രത്തിന് പ്രശാന്ത് പിള്ളയാണ് സംഗീതം ഒരുക്കുന്നത്.