“വെടിവഴിപാടി”ന് ശേഷം ശംഭു പുരുഷോത്തമന് ഒരുക്കുന്ന “പാപം ചെയ്തവര് കല്ലെറിയട്ടെ” ചിത്രത്തിന്റെ ക്യാരക്ടര് പോസ്റ്റര് സോഷ്യല് മീഡിയയിസല് ശ്രദ്ധേയമാകുന്നു. നടന് ടിനി ടോം ആണ് പോസ്റ്ററില് പ്രത്യക്ഷപ്പെടുന്നത്. ഏറെ പ്രത്യേകതളോടെയാണ് പോസ്റ്റര് എത്തിയിരിക്കുന്നത്. ടിനി ടോം തല കീഴായാണ് പോസ്റ്ററില് എത്തുന്നത്.
സാമൂഹ്യ ആക്ഷേപഹാസ്യമായൊരുക്കുന്ന ചിത്രത്തിന്റെ പോസ്റ്റര് നിവിന് പോളിയാണ് പോസ്റ്റര് തന്റെ ഫെയ്സ്ബുക്ക് പേജിലൂടെ റിലീസ് ചെയ്തിരിക്കുന്നത്. നിരവധി രസകരമായ കമന്റുകളും പോസ്റ്ററിന് ലഭിക്കുന്നുണ്ട്. വിനയ് ഫോര്ട്ട് നായകനാകുന്ന ചിത്രത്തില് ശ്രിന്ദ, അനു മോള്, സൈജു കുറുപ്പ്, ശാന്തി ബാലചന്ദ്രന്, അലന്സിയര്, സുനില് സുഖദ, അരുണ് എന്നിവരും പ്രധാന വേഷത്തിലെത്തുന്നുണ്ട്.
സ്പയര് പ്രൊഡക്ഷന്സിന്റെ ബാനറില് സഞ്ജു എസ്. ഉണ്ണിത്താനാണ് ചിത്രം നിര്മിക്കുന്നത്. ജോമോന് തോമസ് ഛായാഗ്രഹണം നിര്വ്വഹിക്കുന്ന ചിത്രത്തിന് പ്രശാന്ത് പിള്ളയാണ് സംഗീതം ഒരുക്കുന്നത്. ഫെബ്രുവരി 21ന് ചിത്രം തിയേറ്ററുകളിലെത്തും.