നടന്‍ നാഗചൈതന്യയും നടി ശോഭിത ധുലിപാലയും തമ്മിലുള്ള വിവാഹനിശ്ചയത്തിന്റെ ചിത്രങ്ങള്‍ പുറത്ത്. നാഗചൈതന്യയുടെ പിതാവും തെലുങ്ക് സൂപ്പര്‍ താരവുമായ നാഗാര്‍ജുനയാണ് വിവാഹനിശ്ചയത്തിന്റെ ചിത്രങ്ങള്‍ പുറത്തുവിട്ടിരിക്കുന്നത്. ഇന്ന് രാവിലെ 9.42ന് ആണ് താരങ്ങള്‍ തമ്മിലുള്ള വിവാഹനിശ്ചയം നടന്നത്.
”ഇന്ന് രാവിലെ 9.42ന് നടന്ന ചടങ്ങില്‍ ഞങ്ങളുടെ മകന്‍ നാഗചൈതന്യയുടെയും ശോഭിത ധൂലിപാലയുമായുടെയും വിവാഹനിശ്ചയം നടന്നുവെന്ന് സന്തോഷത്തോടെ അറിയിക്കുന്നു. അവളെ സന്തോഷത്തോടെ ഞങ്ങളെ കുടുംബത്തിലേക്ക് സ്വാഗതം ചെയ്യുന്നു. ഈ ഹാപ്പി കപ്പിള്‍സിന് എന്റെ അഭിനന്ദനങ്ങള്‍..” എന്ന കുറിപ്പോടെയാണ് നാഗാര്‍ജുന ചിത്രങ്ങള്‍ പങ്കുവച്ചിരിക്കുന്നത്.
നാഗചൈതന്യയും ശോഭിതയും വളരെ കാലമായി പ്രണയത്തിലായിരുന്നു. നടി സാമന്തയായിരുന്നു നാഗചൈതന്യയുടെ മുന്‍ഭാര്യ. 2017ല്‍ വിവാഹിതരായ ഇവര്‍ നാല് വര്‍ഷത്തെ ദാമ്പത്യജീവിതത്തിന് ശേഷം 2021 ഒക്ടോബറില്‍ ആയിരുന്നു വേര്‍പിരിഞ്ഞത്.
ഇതിന് പിന്നാലെയാണ് ശോഭിതയുമായി നാഗചൈതന്യ പ്രണയത്തിലായത്. ബോളിവുഡ് താരമായ ശോഭിത മലയാളം, തമിഴ്, തെലുങ്ക് ഭാഷകളിലും അഭിനയിച്ചിട്ടുണ്ട്. ദുല്‍ഖര്‍ സല്‍മാന്റെ കുറുപ്പ് എന്ന ചിത്രത്തിലെ നായിക വേഷം ഏറെ പ്രശംസിക്കപ്പെട്ടിട്ടുണ്ട്.
