ഒക്ടോബര് 18ന് തിയേറ്ററുകളിലേക്ക് എത്താനൊരുങ്ങുകയാണ് മുഹമ്മദ് മുസ്തഫ സംവിധാനം ചെയ്യുന്ന ‘മുറ’. നേരത്തെ പുറത്തുവിട്ട ചിത്രത്തിലെ ‘അടുത്തോട്ടടുക്കണ്ട’ എന്ന ഗാനം സോഷ്യല് മീഡിയയില് ഹിറ്റ് ആയിരുന്നു. മാസ് ലുക്കില് സുരാജ് വെഞ്ഞാറമൂടും യുവതാരങ്ങളും പ്രത്യക്ഷപ്പെട്ട ഗാനം സോഷ്യല് മീഡിയ ഏറ്റെടുത്തിരുന്നു.
ഒരു മില്യണ് വ്യൂസ് നേടി ഗാനം ഹിറ്റ് ആയതിന് പിന്നാലെ ഇതിന്റെ ബിഹൈന്ഡ് സീന്സും ചിത്രത്തിന്റെ അണിയറപ്രവര്ത്തകര് പുറത്തുവിട്ടിരുന്നു. ഈ വീഡിയോയും സോഷ്യല് മീഡിയയില് വൈറലാണ്. ക്രിസ്റ്റി ജോബിയുടെ സംഗീതത്തില് മുറയുടെ ഗാന രചനയും ആലാപനവും നിര്വഹിച്ചിരിക്കുന്നത് റൈക്കോ ആണ്.
കപ്പേളയ്ക്ക് ശേഷം മുഹമ്മദ് മുസ്തഫ സംവിധാനം ചെയ്യുന്ന ചിത്രമാണ് മുറ. സുരാജ് വെഞ്ഞാറമ്മൂടും ഹൃദു ഹാറൂണുമാണ് ചിത്രത്തിലെ കേന്ദ്ര കഥാപാത്രങ്ങള്. മാലാ പാര്വതി, കനി കുസൃതി, കണ്ണന് നായര്, ജോബിന് ദാസ്, അനുജിത് കണ്ണന്, യദു കൃഷ്ണാ, വിഘ്നേശ്വര് സുരേഷ്, കൃഷ് ഹസ്സന്, സിബി ജോസഫ് എന്നിവരാണ് മുറയിലെ പ്രധാന കഥാപാത്രങ്ങളെ അവതരിപ്പിക്കുന്നത്.
മുറയുടെ രചന നിര്വഹിക്കുന്നത് ഉപ്പും മുളകും ഫെയിം സുരേഷ് ബാബുവാണ്. എച്ച്ആര് പിക്ചേഴ്സിന്റെ ബാനറില് റിയാ ഷിബു ആണ് ചിത്രത്തിന്റെ നിര്മ്മാണം നിര്വഹിച്ചിരിക്കുന്നത്. തലസ്ഥാന നഗരിയുടെ പശ്ചാത്തലത്തില് കഥ പറയുന്ന ചിത്രത്തിന്റേതായി മുമ്പ് പുറത്ത വന്ന ടീസര് ആക്ഷന് രംഗങ്ങളാല് സമ്പന്നമായിരുന്നു.
വ്യത്യസ്തമാര്ന്ന പ്രമേയത്തിലൂടെ സഞ്ചരിക്കുന്ന ചിത്രത്തിലേക്ക് തിരുവനന്തപുരം പ്രദേശവാസികള്ക്ക് മുന്തൂക്കം നല്കി കൊണ്ടുള്ള ചിത്രമാണിത്. തിരുവനന്തപുരം, മധുരൈ, തെങ്കാശി, ബെംഗളൂരു എന്നീ ലൊക്കേഷനുകളിലായാണ് ചിത്രം ഷൂട്ട് ചെയ്തത്. ഫ്ളവേഴ്സ് ടിവിയിലെ ഉപ്പും മുളകും എന്ന പരിപാടിയിലൂടെ ശ്രദ്ധേയനാ സുരേഷ് ബാബുവാണ് ചിത്രത്തിന്റെ രചന നിര്വഹിച്ചിരിക്കുന്നത്.
ഫാസില് നാസര് ഛായാഗ്രഹണം നിര്വഹിച്ചിരിക്കുന്ന ചിത്രത്തിന്റെ എഡിറ്റിംഗ് ചമന് ചാക്കോയാണ്. എക്സിക്യൂട്ടീവ് പ്രൊഡ്യൂസര് : റോണി സക്കറിയ, കലാസംവിധാനം: ശ്രീനു കല്ലേലില്, മേക്കപ്പ്: റോണെക്സ് സേവ്യര്, വസ്ത്രാലങ്കാരം: നിസാര് റഹ്മത്ത്, ആക്ഷന്: പി.സി. സ്റ്റണ്ട്സ്, പ്രൊഡക്ഷന് കണ്ട്രോളര്: ജിത്ത് പിരപ്പന്കോട്, പിആര്ഒ പ്രതീഷ് ശേഖര്.