2020-ല് ഇന്ത്യക്കാര് ഇന്റര്നെറ്റില് ഏറ്റവും കൂടുതല് തിരഞ്ഞത് അന്തരിച്ച ബോളിവുഡ് താരം സുശാന്ത് സിംഗ് രാജ്പുത്തിനെയും നടിയും സുശാന്തിന്റെ കാമുകിയുമായിരുന്ന റിയ ചക്രബര്ത്തിയെയും. സുശാന്തിന്റെ മരണവുമായി ബന്ധപ്പെട്ട വിവാദങ്ങളാണ് ഇതിന് കാരണമായത്. യാഹൂ പുറത്തുവിട്ട റിപ്പോര്ട്ടിലാണ് റിയ ഇന്ത്യക്കാര് 2020-ല് ഏറ്റവും കൂടുതല് ഇന്റര്നെറ്റില് തിരഞ്ഞ നടിയായി മാറിയത്.
മുന് വര്ഷങ്ങളില് നിന്നും വ്യത്യസ്തമായി സണ്ണി ലിയോണിനെ പിന്തള്ളിയാണ് റിയയുടെ പേര് മുന്നിലെത്തിയിരിക്കുന്നത്. സുശാന്തിന്റെ മരണത്തെ തുടര്ന്ന് വിവാദങ്ങള്ക്ക് തുടക്കമിട്ട നടി കങ്കണ റണൗട്ട് ആണ് പട്ടികയില് രണ്ടാമത്. മൂന്നാം സ്ഥാനത്ത് ദീപിക പദുക്കോണും നാലാം സ്ഥാനത്ത് സണ്ണി ലിയോണുമാണ്.
സുശാന്തിന്റെ കേസില് ചോദ്യം ചെയ്യലിന് വിധേയായ സെയ്ഫ് അലിഖാന്റെ മകളും നടിയുമായ സാറ അലിഖാന് പത്താം സ്ഥാനത്ത് ഇടം നേടി. പ്രിയങ്കാ ചോപ്ര, കത്രീന കൈഫ് എന്നിവരാണ് അഞ്ചും ആറും സ്ഥാനത്ത്. ഗായിക നേഹ കക്കര് ഏഴാം സ്ഥാനത്തും, ഗായിക കനിക കപൂര് എട്ടാം സ്ഥാനത്തും, കരീന കപൂര് പട്ടികയില് ഒമ്പതാമതായും ഇടം പിടിച്ചു.
നടന്മാരുടെ പട്ടികയില് അമിതാഭ് ബച്ചന് ആണ് രണ്ടാം സ്ഥാനത്ത്. അക്ഷയ് കുമാര്, സല്മാന് ഖാന്, ഇര്ഫാന് ഖാന്, റിഷി കപൂര് എന്നിവരാണ് തൊട്ടുപുറകില്. അന്തരിച്ച ഗായകന് എസ്.പി. ബാലസുബ്രഹ്മണ്യം ഏഴാമതും സോനു സൂദ്, അനുരാഗ് കശ്യപ്, അല്ലു അര്ജുന് എന്നിവര് എട്ട്, ഒമ്പത്, പത്ത് സ്ഥാനങ്ങളില് ഇടം നേടി.