‘മോണ്സ്റ്റര്’ ചിത്രത്തിന്റെ റിലീസ് ദിവസം തന്റെ മറ്റൊരു ചിത്രത്തിന്റെ ടീസറുമായി മോഹന്ലാല്. വര്ഷങ്ങള്ക്ക് ശേഷം ഷാജി കൈലാസ്-മോഹന്ലാല് കോംമ്പോയില് എത്തുന്ന ‘എലോണ്’ ചിത്രത്തിന്റെ ട്രെയ്ലര് ആണ് അറിയിപ്പുകള് ഒന്നും ഇല്ലാതെ പുറത്തുവിട്ടത്. പേര് സൂചിപ്പിക്കും പോലെ സ്ക്രീനില് മോഹന്ലാല് ഒറ്റയ്ക്കാണ്.
എന്നാല് ടീസറില് ശബ്ദ സാന്നിധ്യങ്ങളായി പൃഥ്വിരാജും സിദ്ദിഖുമൊക്കെ എത്തുന്നുണ്ട്. യുണൈറ്റഡ് നേഷന്സില് നിന്നുള്ള ഉദ്യോഗസ്ഥനായാണ് ചിത്രത്തുില് മോഹന്ലാല് വേഷമിടുന്നത്. ഹെയര്സ്റ്റൈലിലും വസ്ത്രധാരണത്തിലുമൊക്കെ സമീപകാല ചിത്രങ്ങളില് നിന്ന് വേറിട്ട ഗെറ്റപ്പിലാണ് മോഹന്ലാല് എലോണില് എത്തുന്നത്.
12 വര്ഷത്തെ ഇടവേളയ്ക്ക് ശേഷം ഷാജി കൈലാസിന്റെ സംവിധാനത്തില് മോഹന്ലാല് നായകനാവുന്നു എന്നതാണ് എലോണിന്റെ പ്രത്യേകത. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് നിര്മ്മാണം. ആശിര്വാദിന്റെ 30-ാം ചിത്രമാണിത്.
ഷാജി കൈലാസ്-മോഹന്ലാല് കൂട്ടുകെട്ടില് 2000ല് എത്തിയ സൂപ്പര്ഹിറ്റ് ചിത്രം ‘നരസിംഹ’മായിരുന്നു ആശിര്വാദ് സിനിമാസിന്റെ ലോഞ്ചിംഗ് ചിത്രം. എലോണിന്റെ ഛായാഗ്രഹണം അഭിനന്ദന് രാമാനുജം നിര്വ്വഹിക്കുന്നു. എഡിറ്റിംഗ് ഡോണ് മാക്സ്. സംഗീതം ജേക്സ് ബിജോയ്. ചീഫ് പ്രൊഡക്ഷന് കണ്ട്രോളര് സിദ്ധു പനയ്ക്കല്.