മോഹന്ലാലിനെ നായകനാക്കി സിദ്ദിഖ് ഒരുക്കിയ ബിഗ് ബ്രദറിന്റെ കളക്ഷന് റിപ്പോര്ട്ട് പുറത്ത്. ആദ്യ 4 ദിവസത്തെ കളക്ഷന് റിപ്പോര്ട്ടാണ് ചിത്രത്തിന്റെ അണിയറ പ്രവര്ത്തകര് പുറത്തു വിട്ടിരിക്കുന്നത്. ആദ്യ 4 ദിവസം കൊണ്ട് വേള്ഡ് വൈഡ് കളക്ഷന് ആയി പത്തു കോടി അമ്പതു ലക്ഷം രൂപയാണ് ചിത്രം നേടിയത്. ഇതില് പകുതിയും കേരളത്തില് നിന്നാണ്. ഗള്ഫില് നിന്നും മികച്ച കളക്ഷനാണ് ചിത്രത്തിന് ലഭിക്കുന്നത്. 25 കോടി മുതല് മുടക്കിലാണ് ചിത്രം ഒരുക്കിയത്.
“ലേഡീസ് ആന്ഡ് ജെന്റില്മാന്” എന്ന ചിത്രത്തിന് ശേഷം മോഹന്ലാലും സിദ്ദിഖും വീണ്ടും ഒന്നിച്ച ചിത്രമാണ് ബിഗ് ബ്രദര്. ആക്ഷന് പ്രാധാന്യം നല്കി ഒരുക്കുന്ന ചിത്രത്തില് സച്ചിദാനന്ദന് എന്ന കഥാപാത്രമായാണ് മോഹന്ലാല് അവതരിപ്പിക്കുന്നത്. ചിത്രത്തില് സല്മാന് ഖാന്റെ സഹോദരന് അര്ബാസ് ഖാനും പ്രധാന വേഷത്തിലെത്തുന്നുണ്ട്. വേദാന്തം ഐപിഎസ് എന്ന കഥാപാത്രത്തെയാണ് അര്ബാസ് ചിത്രത്തില് അവതരിപ്പിക്കുന്നത്.
ചിത്രത്തില് മൂന്ന് നായികമാരാണ് അണിനിരക്കുന്നത്. തെന്നിന്ത്യന് നടി റജീന കസാന്ഡ്ര, സത്ന ടൈറ്റസ്, ജനാര്ദ്ദനന്, സിദ്ദിഖ്, വിഷ്ണു ഉണ്ണികൃഷ്ണന്, അനൂപ് മേനോന്, ചെമ്പന് വിനോദ്, ടിനി ടോം, ജൂണ് ഫെയിം സര്ജാനോ ഖാലിദ് തുടങ്ങിയവരും ചിത്രത്തില് പ്രധാന വേഷങ്ങളിലെത്തുന്നു.