കോവിഡ് കാലത്ത് ഷൂട്ടിംഗ് മുടങ്ങിപ്പോയ മോഹന്ലാല് ചിത്രമാണ് ‘റാം’. ‘ദൃശ്യം’, ’12ത് മാന്’ എന്നീ ചിത്രങ്ങള്ക്ക് ശേഷം ജീത്തു ജോസഫും മോഹന്ലാലും ഒന്നിക്കുന്ന സിനിമയാണിത്. 12ത് മാനിന് മുമ്പേ ഷൂട്ടിംഗ് തുടങ്ങിയ ചിത്രമാണ് റാം. എന്നാല് ചിത്രം മാസങ്ങളോളം നിര്ത്തി വച്ചിരുന്നു.
ചിത്രവുമായി ബന്ധപ്പെട്ട പുതിയൊരു അപ്ഡേറ്റ് ആണിപ്പോള് ശ്രദ്ധ നേടുന്നത്. ചിത്രത്തിന്റെ റിലീസും ഡിജിറ്റല് റൈറ്റുമായി ബന്ധപ്പെട്ട വാര്ത്തകളാണ് പുറത്തു വരുന്നത്. രണ്ട് ഭാഗങ്ങളിലായി ഒരുങ്ങുന്ന റാം, ഈ വര്ഷം ഓണം റിലീസ് ആയി തിയേറ്ററില് എത്തുമെന്നാണ് ട്രേഡ് അനലിസ്റ്റ് ആയ ശ്രീധര് പിള്ള ട്വീറ്റ് ചെയ്തിരിക്കുന്നത്.
ചിത്രത്തിന്റെ ഡിജിറ്റല് റൈറ്റ്സ് ആമസോണ് പ്രൈം വീഡിയോ റെക്കോര്ഡ് തുകയ്ക്ക് വാങ്ങി എന്നാണ് വിവരമെന്നും അദ്ദേഹം ട്വീറ്റ് ചെയ്യുന്നുണ്ട്. ഓണം റിലീസ് ആയി ചിത്രം എത്തുമെന്ന് അറിഞ്ഞതോടെ ഏറെ പ്രതീക്ഷയിലാണ് ആരാധകര്. എന്നാല് ഇക്കാര്യത്തില് ഔദ്യോഗിക വിശദീകരണങ്ങള് ഒന്നും തന്നെ വന്നിട്ടില്ല.
തൃഷ ആണ് ചിത്രത്തില് നായികയായി എത്തുന്നത്. ഇന്ദ്രജിത്ത്, ദുര്ഗ കൃഷ്ണ, സിദ്ധിഖ്, അനൂപ് മേനോന്, സുമന്, സായ് കുമാര്, വിനയ് ഫോര്ട്ട് തുടങ്ങി ഒട്ടേറെ താരങ്ങള് വേഷമിടുന്നു. അതേസമയം, ‘മലൈക്കോട്ടൈ വാലിബന്’ ആണ് മോഹന്ലാലിന്റെതായി സിനിമാസ്വദകര് പ്രതീക്ഷയോടെ കാത്തിരിക്കുന്ന ഒരു ചിത്രം.