മധുരരാജയിലെ സണ്ണി ലിയോണിന്റെ ഐറ്റം ഡാന്സിന് വന്വരവേല്പ്പ്. പുറത്തിറങ്ങി ഒരു ദിനം പിന്നിടുമ്പോള് ഗാനത്തിന് ഏഴ് ലക്ഷത്തിനു മേല് കാഴ്ച്ചക്കാരായി. ട്രെന്ഡിംഗിലും ഒന്നാമതാണ് ഈ വീഡിയോ ഗാനം. മോഹമുന്തിരി എന്ന് തുടങ്ങുന്ന ഗാനം ഗോപി സുന്ദറിന്റെ സംഗീതത്തില് സിത്താര കൃഷ്ണകുമാറാണ് ആലപിച്ചിരിക്കുന്നത്. ഹരിനാരായണന്റേതാണ് വരികള്.
മമ്മൂട്ടി നായകനായി എത്തിയ ചിത്രം ബോക്സ് ഓഫീസില് മികച്ച പ്രകടനം തുടരുകയാണ്. ചിത്രം 50 കോടി ക്ലബ്ബിലെത്തിയെന്നതാണ് കളക്ഷന് സംബന്ധിച്ച് അണിയറപ്രവര്ത്തകര് പുറത്തുവിട്ട പുതിയ വാര്ത്ത. പത്ത് ദിവസത്തിനുള്ളില് 58.7 കോടി രൂപയാണ് മധുരരാജ മൊത്തം നേടിയത്. ആദ്യ ദിനം തന്നെ 9.12 കോടി രൂപ നേടിയിരുന്നു.
വൈശാഖ് സംവിധാനം ചെയ്ത ചിത്രത്തിന് ഉദയ് കൃഷ്ണയായിരുന്നു തിരക്കഥ എഴുതിയത്. 2010ല് പ്രദര്ശനത്തിന് എത്തിയ പോക്കിരിരാജയുടെ രണ്ടാം ഭാഗമായിട്ടാണ് മധുരരാജ ഒരുക്കിയത്. ആദ്യ ഭാഗത്തിലെ നെടുമുടി വേണു, സലിംകുമാര് തുടങ്ങിയവര് മധുരരാജയിലുമുണ്ടായിരുന്നു. പുലിമുരുകനിലൂടെ മലയാളികളുടെ പ്രിയം പിടിച്ചുപറ്റിയ പീറ്റര് ഹെയ്ന് ആയിരുന്നു മധുരരാജയുടെ ആക്ഷന് കൊറിയോഗ്രാഫി നിര്വഹിച്ചത്.